ورمێ؛ دەسبەسەرکرانی یوونس نەبیزادە لەلایەن هێزە ئەمنییەتییەکانەوە
00:12 - 20 جۆزەردان 2724
ڕۆژی پێنجشەممە ١٧ی جۆزەردانی ١٤٠٣، هاووڵاتییەکی کورد بە ناوی "یوونس نەبیزادە" تەمەن ٣٠ ساڵ و کوڕی عیسا خەڵکی گوندی "دەلو" سەر بە ناوچەی دزەی دۆڵی ورمێ لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، ئەم هاووڵاتییە بە بێ بەڵگەی یاسایی لە دەرەوەی ماڵەکەی لە شاری ورمێ لەلایەن هێزە ئەمنییەتییەکانەوە دەسبەسەر کراوە.
ئەم سەرچاوە ئاگادارە ڕایگەیاند: هێزە ئەمنییەتییەکان پاش دەسبەسەرکردنی یوونس نەبیزادە، بە مەبەستی پشکنین هێرشیان کردووەتە سەر ماڵەکەی.
ئەم هاووڵاتییە کوردە خێزاندارە و دوو منداڵی هەیە.
هەتا کاتی بڵاوبوونەوەی ئەم هەواڵە، سەبارەت بە چارەنووس، شوێنی ڕاگیران، هۆکاری دەسبەسەرکران و تۆمەتە وەپاڵدراوەکان دژی یوونس نەبیزادە زانیارییەک لەبەر دەستدا نییە.
