لەسێدارەدانی بەندکراوێکی خەڵکی سەڵماس لە بەندیخانەی ناوەندیی ئەردەبێڵ

سەرلەبەیانیی دووشەممە، ٣٠ی ڕێبەندانی ١٤٠٢، سزای لەسێدارەدرانی بەندکراوێک بە ناوی "ئیرەج پاکی"، خەڵکی شاری سەڵماس لە بەندیخانەی ناوەندیی ئەردەبێڵ جێبەجێ کرا.

بە وتەی سەرچاوەیەکی ئاگادار، ئەم بەندکراوە کوردە ٦ ساڵ پێش ئێستا بە تۆمەتی پێوەندیدار بە تاوانەکانی "ماددەی هۆشبەر"، دەسبەسەر کرا و دواتر لەلایەن ناوەندە دادوەرییەکانەوە بە لەسێدارەدران مەحکووم کرا.

ئیرەج پاکی، کوڕی حاجی تەورێزی خەڵکی گوندی "ستوونڕەش" سەر بە شاری سەڵماس بوو.

تاکوو ئێستا هەواڵی لەسێدارەدرانی ئەم بەندکراوە لەلایەن ناوەندە فەرمییەکان و میدیا نێوخۆییەکانی ئێرانەوە ڕانەگەیەندراوە.