سەقز؛ چاپخانەی "پەنجەرە" داخرا

چاپخانەی "پەنجەرە"، هەڵکەوتوو لە شارەکی سەنعەتیی شاری ساحیب، سەر بە شاری سەقز، بە فەرمانی بەخشداریی زێویە، داخرا.

بە وتەی سەرچاوەیەکی ئاگادار، هۆکاری داخرانی ئەم چاپخانەیە، چاپکردنی وێنەیەکی پێشەوا قازی محەممەد و شێخ مەحموود بەرزنجی، لە ڕێبەرانی ناوداری کورد لەسەر ڕووبەرگی کتیبێک بووە کە لە قوتابخانەکانی کوردستانی عێراقدا، دەخوێنرێ.

ئەم سەرچاوە ئاگادارە ڕایگەیاند: بەخشداری زێویە، پاش ئاگاداربوونەوە لە چاپی وێنەی ئەم دوو ڕێبەرە ناودارەی کورد، فەرمانی داخرانی بۆ چاپخانەکە دەر کردووە.

ئەم سەرچاوە ئاگادارە ڕایگەیاند: پاش فەرمانی بەخشداری زێویە، هێزە ئەمنییەتییەکان، هێرشیان کردە سەر چاپخانەکە و پاش پشکنین، چاپخانەکەیان داخست.

بە داخرانی ئەم چاپخانەیە، ٤٠ کەس بێکار کران.