سەقز؛ دەسبەسەرکرانی کەیوان ڕەحیمی لەلایەن هێزە ئەمنییەتییەکانەوە
ڕۆژی پێنجشەممە، ١٣ی ڕەزبەر، کەیوان ڕەحیمی، ئەندامی پورسمانی سەقز و چالاکی بواری میدیا، لەلایەن هێزە ئەمنییەتییەکانەوە دەسبەسەر کرا.
بە وتەی سەرچاوەیەکی ئاگادار، هێزە ئەمنییەتییەکان هێرشیان کردووەتە سەر ماڵی ئەم هاووڵاتییە لە سەقز و دەسبەسەریان کردووە.
ئەم سەرچاوە ئاگادارە وتی: ئەم هاووڵاتییە پاش دەسبەسەرکران ڕەوانەی گرتنگەی ئیدارەی ئیتلاعاتی سەقز کراوە.
ئەم سەرچاوەیە ڕایگەیاند: کەیوان ڕەحیمی دوابەدوای پاڵپشتیکردن لە هێرۆ قەدیمی، شێرکۆ حیجازی، ئازاد ئەمینی و سەمیرا ئەحمەدی، چوار چالاکی دەسبەسەرکراوی سەقزی، دەسبەسەر کراوە.
کەیوان ڕيحیمی ڕەزبەری ١٤٠٠، بە تۆمەتی "چالاکی تەبلیغی دژی نیزامی کۆماری ئیسلامیی ئێران" لەلایەن داداگی ئینقلابی سەقزەوە بە ٨ مانگ زیندانی تەعزیری مەحکووم کرابوو.
تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی کەیوان ڕەحیمی، زانیارییەک لەبەر دەستدا نییە.
