ئەندامێکی ئەنجومەنی سەوزی چیای مەریوان بە دانانی بارمتەی قورس بە شێوەی کاتی ئازاد کرا

ڕۆژی دووشەممە ١٩ی ڕەشەمە، ئەندامێکی سەوزی چیای مەریوان بە ناوی "ئامانج نیک ‌پەی" کوڕی "خالید"، تەمەن ٢٢ ساڵ و خەڵکی گوندی "نێـ"ـی مەریوان، بە دانانی بارمتەی ٤٠٠ ملیۆن تمەنی بە شێوەی کاتی لە گرتنگە ئازاد کرا.

ئەو لاوە مەریوانییە لە ماوەی دەسبەسەرکرانیدا، لە پەیوەندیی تەلەفۆنی لەگەڵ بنەماڵەکەی و دەستپێڕاگەیشتن بە پارێزەر بێبەری بووە.

ڕۆژی سێشەممە ٢٤ی بەفرانبار، ئەو ئەندامەی ئەنجومەنەی سەوزی چیای مەریوان، بەبێ بەڵگەی یاسایی لەلایەن هێزە ئیتلاعاتییەکانەوە دەسبەسەر کرا و هەتا ئێستا لە تۆمەتی وەپاڵدراوی ئەو هاووڵاتییە کوردە زانیارییەکی ورد لەبەر دەستدا نییە.