چارەنووسی خوێندکارێکی ئایینیی کورد لە گرتنگەی ئیتلاعاتی زاهیدان ناڕوونە

ڕۆژی یەکشەممە ٢٣ی خەرمانان، هێزە ئیتلاعاتییەکان لە زاهیدان، خوێندکارێکی ئایینیی کوردیان بە ناوی "حیسام عەبدوڵڵاهی" خەڵکی کرماشان، دەسبەسەر کرد.

"حیسام عەبدوڵڵاهی" ڕۆژێک پاش دەسبەسەرکرانی لەگەڵ بنەماڵەکەی پەیوەندیی گرتووە و ئاگاداری کردوونەتەوە کە لە گرتنگەی ئیدارەی ئیتلاعاتی زاهیداندایە.

کاناڵی تێلێگرامیی "سوننی نیوز" لەوبارەیەوە بڵاوی کردووەتەوە: "لەو کاتەوە هەتا ئێستا هیچ زانیارییەک لەمەڕ چارەنووسی ئەو خوێندکارە ئایینییە کوردە لەبەر دەستدا نییە".

"حیسام عەبدوڵڵاهی" خوێندکاری ئایینیی حەوزەی علمییەی زاهیدان بووە و ناوەندە ئەمنییەتییەکان تۆمەتی هەوڵدان دژی تەناهی نەتەوەییان داوەتە پاڵ ئەو خوێندکارە.