لە ئەنجامی تەقەی هێزە ئینتزامییەكان دوو كۆڵبەری كورد بریندار بوون

14:00 - 18 پووشپەڕ 2712
کوردستان مافی مرۆڤ
كوردپا: ژمارەیەك كۆڵبەری كورد لە ناوچەی \"دەرماناوێ‌\"ی سەردەشت كەوتنە بەر دەستڕێژی راستەوخۆی هێزە ئینتزامییەكانی حكوومەتی ئیسلامیی ئێران و لە ئەنجامدا دوو كۆڵبەر بریندار بوون.

بەپێی هەواڵی ئاژانسی هەواڵدەریی كوردپا، عەبدوڵڵا خەڵكی ئاوایی \"سێوەتاڵ\" و رێبوار خەڵكی ئاوایی \"ئەشكان\"ی سەردەشت ئەو دوو كۆڵبەرە كوردەن كە بە تەقەی هێزە ئینتزامییەكان بریندار كراون.

چەندین شایەتحاڵ بە هەواڵنێری \"كوردپا\"یان راگەیاندووە، هێزە حكوومەتییەكان لە ناوچەی دەرماناوێ‌دەستیان كردووە بە كۆ كردنەوەی كەلوپەلی كاسبكار و كۆڵبەران.

هەواڵنێرمان لە درێژەدا رایگەیاند، زەوت كردنی كەلوپەلی كاسبكاران دژكردەوەی خەڵكی ناوچەی دەرماناوێ‌لێكەوتەوە و لە ئەنجامدا كەلوپەلەكانیان لە هێزە ئینتزامییەكان ئەستاندۆتەوە.
\"5174.jpg\"
كوشتن و بریندار كردنی كاسبكارانی كورد بەردەوامە:

بەپێی ئاماری تۆمار كراو لە ناوەندی ئاماری ئاژانسی هەواڵدەریی كوردپا تەنیا لە 50 رۆژی رابردوودا 14 كۆڵبەر و كاسبكاری كورد لە ناوچە سنوورییەكانی كوردستان بە تەقەی راستەوخۆی هێزە نیزامییەكانی حكوومەتی ئیسلامیی ئێران كوژراو و بریندار بوون.

لە كۆی گشتی ئەو رێژەیە 6 كۆڵبەر گیانیان لە دەست داوە و 8‌ی دیكەش بریندار بوون.

ئەو ئامارە بە پشت بەستن بە ئاماری تۆمار كراو لە ناوەندی ئاماری كوردپا بڵاو كراوەتەوە و دەكرێ‌ئاماری راستەقینە لەوەش زیاتر بێت.
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە
11:03 - 5 سەرماوەز 2724
سنە؛ سەیران خوسرەوی، چالاکی مەدەنی لەلایەن هێزە ئەمنییەتییەکانەوە دەسبەسەر کرا
10:56 - 5 سەرماوەز 2724
مەیسەم نووری، بەندکراوی خەڵکی قوروە لە بەندیخانەی هەمەدان لە سێدارە درا