لە بۆکان هاووڵاتییەک دەسبەسەر کرا
11:06 - 19 گەلاوێژ 2721
ڕۆژی دووشەممە ١٨ی گەلاوێژ، هاووڵاتییەکی کورد بە ناوی "ڕەشید ڕەحیمی" خەڵکی بۆکان، لەلایەن هێزە ئەمنییەتییەکانی حکوومەتەوە دەسبەسەر کرا.
هێزە ئەمنییەتییەکان بێ پیشاندانی حوکمی دادوەری، ئەم هاووڵاتییەیان دەسبەسەر کردووە و بۆ شوێنێکی نادیاریان ڕاگواستووە.
هێزە ئەمنییەتییەکان دوای دەسبەسەرکردنی ئەم هاووڵاتییە، هێرشیان کردووەتە سەر خانووەکەی و دوای پشکنینی ماڵەکەی، مۆبایل و هەندێک لە کەلوپەلی کەسیی ئەویان لەگەڵ خۆیان بردووە.
تا کاتی بڵاوکردنەوەی ئەم هەواڵە، لە هۆکاری دەسبەسەرکردن و تۆمەتە وەپاڵدراوەکانی "ڕەشید ڕەحیمی"، زانیارییەک لەبەر دەستدا نییە.
