لانیكەم سێ میلیۆن كەس لە ئێراندا بێ‌شوناسن
20:51 - 20 رەزبەر 2715
ئاژانسی كوردپا: لانیكەم سێ میلیۆن كەس لە ئێراندا بێ‌شوناسن كە زۆربەیان منداڵن و هیچ چەشنە بەڵگەیەكی تایبەت بەباری كەسێتییان لە بەڕێوەبەرایەتی باری كەسێتیی ئێران پێ نەدراوە.
بە پێی ڕاپۆرتی گەیشتوو بە ئاژانسی هەواڵدەریی كوردپا، ٢٣ لە سەدی حەشیمەتی ئێران لە منداڵان پێكهاتووە و لەم وڵاتەدا هیچ چارەسەرێك بۆ كێشەكانی منداڵە بێ‌سەرپەرەستەكان نەكراوە و زۆربەی هەوڵەكانی حكوومەت لەو بوارەدا، لایەنی پڕوپاگەندەیی بە خۆیەوە دەگرێت.
یەكێك لە ئاریشەكانی وڵاتی ئێران بوونی منداڵانی بێ‌شوناسە كە زۆربەی ئەم منداڵانە لە پاركەكاندا لەدایك دەبن و ئەوەش دەرئەنجامی دیاردەی بوونی ژنانی سەرشەقامە و زۆرێك لەو ژنانە، بە هۆی قورسیی باری ژیانیانەوە، منداڵەكانی خۆیان دەفرۆشن. لە ئێستادا لە ئێران ڕێژەی ژنانی سەرشەقام بەرز بۆتەوە و رێكخراوی \"بێهزیستی\"یش ناتوانێ بە كردەوە بەرگرییان لێ بكات.
ساڵی ١٣٨١ی هەتاوی، یاسایەك بە نێوی بەرگری لە منداڵان، لە مەجلیسی شورای ئیسلامیی ئێران پەسەند كرا، بەڵام بە هۆی بیانووگێڕیی شورای پارێزەران و نەبوونی سیاسەتداڕێژیی لەو بوارەدا، بێ‌ئاكام مایەوە، چوونكە مافەكانی منداڵانی لەدایكبووی \"دەرەوەی نیكاح\" یان بە یەكێك لە كێشەكان ناوزەد كرد.
بە پێی ڕاپۆرتی گەیشتوو بە ئاژانسی هەواڵدەریی كوردپا، ٢٣ لە سەدی حەشیمەتی ئێران لە منداڵان پێكهاتووە و لەم وڵاتەدا هیچ چارەسەرێك بۆ كێشەكانی منداڵە بێ‌سەرپەرەستەكان نەكراوە و زۆربەی هەوڵەكانی حكوومەت لەو بوارەدا، لایەنی پڕوپاگەندەیی بە خۆیەوە دەگرێت.
یەكێك لە ئاریشەكانی وڵاتی ئێران بوونی منداڵانی بێ‌شوناسە كە زۆربەی ئەم منداڵانە لە پاركەكاندا لەدایك دەبن و ئەوەش دەرئەنجامی دیاردەی بوونی ژنانی سەرشەقامە و زۆرێك لەو ژنانە، بە هۆی قورسیی باری ژیانیانەوە، منداڵەكانی خۆیان دەفرۆشن. لە ئێستادا لە ئێران ڕێژەی ژنانی سەرشەقام بەرز بۆتەوە و رێكخراوی \"بێهزیستی\"یش ناتوانێ بە كردەوە بەرگرییان لێ بكات.
ساڵی ١٣٨١ی هەتاوی، یاسایەك بە نێوی بەرگری لە منداڵان، لە مەجلیسی شورای ئیسلامیی ئێران پەسەند كرا، بەڵام بە هۆی بیانووگێڕیی شورای پارێزەران و نەبوونی سیاسەتداڕێژیی لەو بوارەدا، بێ‌ئاكام مایەوە، چوونكە مافەكانی منداڵانی لەدایكبووی \"دەرەوەی نیكاح\" یان بە یەكێك لە كێشەكان ناوزەد كرد.
