سووتانی ١٥٠ هێکتار لە دارستانەکانی داڵاهۆ بەهۆی ئاگرکەوتنەوەوە
11:23 - 3 خەرمانان 2720
ڕۆژی یەکشەممە ٢ی خەرمانان، بەهۆی ئاگرکەوتنەوە لە دارستانەکانی ناوچەی "بی‌لەنگە و گوڵی نێرگس" لە داڵاهۆ، نزیک بە ١٥٠ هێکتار لە دارستانەکانی ئەو ناوچەیە سووتان.
ئەو ئاگرکەوتنەوەیە لە دارستانی گوندەکانی نێوان بزمیرئاوا و جوانمێری ناوچەی داڵاهۆ ڕوویدابوو.
کاناڵە تێلێگرامییە خۆجێییەکانی ئەو ناوچەیە بڵاویان کردووەتەوە، ئەو ئاگرکەوتنەوەیە لە چەند شوێن ڕوویداوە و زیاتر لە ١٥٠ هێکتار لە دارستانەکانی شاری داڵاهۆ سووتاون.
ئەو سەرچاوە خۆجێییانە هەروەها بڵاویان کردووتەوە کە وەک هەمیشە هیچ ئۆرگان و بەرپرسێک بۆ یارمەتیدان و کۆنترۆڵکردنی ئەو ئاگرکەوتنەوەیە لەو ناوچەیە ئامادە نەبوون.
