دوو ژنە هاووڵاتیی کرماشانی بەهۆی گۆرانی‌وتن دەسبەسەر کران
بەرپرسی پۆلیسی ئەمنییەتی گشتیی پارێزگای کرماشان، باسی لە دەسبەسەرکردنی دوو ژنە هاووڵاتیی کرد کە لە کلیپێکدا، گۆرانییان وتووە.
"حەسەن حەیدەری" لە وتووێژێکدا لەگەڵ ماڵپەڕی هەواڵی پۆلیس، ڕایگەیاند: چەند کەسێک لە ڕێوڕەسمێکدا کە دەستیان بە گۆرانی‌وتن کردبوو و لە تۆڕە کۆمەڵایەتییەکان بڵاو ببووەوە، بوو بەهۆی دەنگدانەوەی نەرێنی لە سەر بیروڕای گشتیی کۆمەڵگا.
ئەو بەرپرسە نیزامییەی پارێزگای کرماشان هەروەها، گۆرانی‌وتنی ئەو دوو ژنە هاووڵاتییەی بە پێشێلکردنی یاسا، زانی و هەروەها ئەو کارەی ئەو دوو ژنەی بۆ خەوشدارکردنی بیروڕای کۆمەڵگا، گەڕاندەوە.
حەسەن حەیدەری هەروەها باسی لە داخرانی یەکە سێنفی و نووسینگەی کانوونی بانگەشە کرد و ڕایگەیاند: "پەیجەکانی بڵاوکردنەوەی ئەو کلیپانە لەلایەن پۆلیسی فەتاوە، داخراون".
بەرپرسی پۆلیسی ئەمنییەتیی پارێزگای کرماشان دەڵێت: "پۆلیس لەگەڵ هەر جۆرە پێشێلکاری یاسایی و هەڵسووکەوتی دوور لە داب و نەریت، بە توندترین شێوە بەرانبەر بە یاسا لەگەڵیان هەڵسوکەوت دەکات".
