دووهەمین هاووڵاتیی کوردی خەڵکی کرماشان، خەڵاتی "شوالیە" وەردەگرێت

وێنەگرێکی کورد بە ناوی "ئاناهیتا قۆبائیان"، خەڵکی کرماشان، بوو بە دووهەمین هاووڵاتیی کوردی خەڵکی ئەو شارە کە خەڵاتی "شوالیە"ی پێ دەبەخشرێت.

ئەو وێنەگرە کوردە، خەڵاتی جیهانیی شوالیەی بۆ فەرهەنگ و هونەری وڵاتی فەرانسەی پێ دەبەخشرێت.

وڵاتی فەرانسە ئەو خەڵاتە بەهۆی چالاکی لە بواری فەرهەنگ و هونەر و وێژە بەو ژنە کوردە دەبەخشێت.

"ئاناهیتا قۆبائیان"، بەڕێوەبەری "گالێریی ڕێگای هاورێشمـ"ـە و ئەو گالێرییە ماوەی ١٨ ساڵە دامەزراوە و لە بواری فەرهەنگ و هونەردا چالاکی دەکات.

خەڵاتی جیهانیی شوالیە، پێشتر درابوو بە هونەرمەندی بەناوباونگی کورد "شارام نازری" و "ئاناهیتا" دووهەمین هاووڵاتیی کوردە کە ئەو خەڵاتە وەردەگرێت.