داڵاهۆ؛ هاووڵاتییەک بەهۆی تەقەی هێزە نیزامییەکانی حکوومەتی بریندار بوو

ڕۆژی دووشەممە ٦ی بانەمەڕ، هاووڵاتییەکی کورد بە ناوی "سوحبەت سەمەدی‌نەسەب"، خەڵکی شاری داڵاهۆ، سەر بە پارێزگای کرماشان، بەهۆی تەقەی هێزە نیزامییەکانی حکوومەتی بریندار بووە.

هێزە نیزامییەکان، بەبێ ئاگادارکردنەوەی پێشوو بە گومانی پێبوونی شتومەکی قاچاخ، ماشینی ئەو هاووڵاتییەیان داوەتە بەر دەسڕێژی گولـلە.

سوحبەت سەمەدی‌نەسەب، پاش ئەو ڕووداوە بۆ چارەسەری پزیشکی ڕەوانەی نەخۆشخانەی تاڵقانیی کرماشان کراوە و بارودۆخی گشتیی ناوبراو ناجێگیر ڕاگەیەندراوە.