خاکەلێوەی ١٤٠٠؛ سەپاندنی ٨٣ ساڵ زیندان بەسەر ٨ هاووڵاتیی کورد

بەپێی ئاماری تۆمارکراو لە ناوەندی ئاماری ڕێکخراوی مافی مرۆیی کوردپا، لە مانگی خاکەلێوەی ١٤٠٠دا، سەرجەم ٨٣ ساڵ زیندان، بەسەر هاووڵاتییانی کورد سەپێندراوە.

لە ماوەی مانگی خاکەلێوەی ١٤٠٠دا، سەرجەم ٨ هاووڵاتیی کورد لە دادگاکانی ئینقلابی ئیسلامیدا، بە ٨٣ ساڵ زیندان مەحکووم کراون.

هەروەها لەو ماوەیەدا، حوکمی ١٥ ساڵ زیندانی ٣ هاووڵاتیی کورد، خەڵکی پیرانشار بە ناوەکانی "نەجمەدین سوخەنوەر، شۆڕش عەبدوڵڵانژاد و سەلاح ئاجی"، لە دادگای پێداچوونەوەدا، پشتڕاست کراوە.

سوبحان (ڕاشد) ئەحمەدی هەروەها لە دادگای پێداچوونەوەدا، لە حوکمی ١ ساڵ و ١ ڕۆژ زیندان بێتاوان ناسێندرا و حوکمی ئێعدامی ئەرسەلان خودکام، زیندانیی سیاسی بۆ زیندانی هەتاهەتایی کەم کرایەوە.

شیکردنەوەی زیاتر لەبارەی سەپاندنی ٨٣ ساڵ حوکمی زیندان بەسەر ٨ هاووڵاتیی کورد لە مانگی خاکەلێوەی ١٤٠٠دا:

چۆنیەتیی حوکمەکان:

زیندانیی تەعزیری: ٨٣ ساڵ

تۆمەتە وەپاڵدراوەکان:

هاوکاری لەگەڵ حیزبە کوردییەکان: ٤ حاڵەت

پرۆپاگەندە دژی نیزام: ٢ حاڵەت

چالاکیی مەزهەبی و ئەندامبوون لە گرووپە مەزهەبییەکان: ٢ حاڵەت

بواری چالاکیی ڕێژەیەک لەو کەسانە کە ڕوون کراوە:

ناڕازییانی مانگی خەزەڵوەری ١٣٩٨: ١ حاڵەت

چالاکی مەزهەبی: ٢ حاڵەت

چالاکی کرێکاری: ١ حاڵەت

تەنزیم: ئەوین مستەفازادە