بڵابوونەوەنەی ڤایرۆسی کۆرۆنا لە زیندانی ناوەندیی سنە

بەهۆی لەبەرچاونەگرتنی ڕێوشوێنی تەندروستی، ڤایرۆسی کۆرۆنا لە زیندانی ناوەندیی سنە زیاتر بڵاو بووەتەوە.

بە وتەی سەرچاوەیەکی ئاگادار لە زیندانیی ناوەندیی سنە، پاش بڵابوونەوەی ڤایرۆسی کۆرۆنا لەو زیندانە، فەرمانبەرانی بێهداری و بەرپرسانی زیندانیش تووشی ئەو ڤایروسە بوونه.

ئەو سەرچاوەیە هەروەها دەڵیت؛ باشگای وەرزشیی زیندانی سنە، کراوەتە دابڕگەی زیندانییانی تووشبووی ڤایرۆسی کۆرۆنا و لە ئیمکاناتی تەندروستی و پزیشکی بێبەرییە.

ئەو سەرچاوە ئاگادارە بارودۆخی زیندانی ناوەندیی سنەی نالەباڕ وەسف کردووە و ڕایگەیاندووە کە بەرپرسانی زیندان بەنیسبەت ئەو بارودۆخەی هاتووەتە پێش کەمتەرخەمن.

زیندانی سنە لە شەقامی ئیرشادی سنە هەوڵکەوتووە و ١١ بەندی سەرەکیی هەیە.

ناوەندیی چاوەدێری و بەڕێوەبەریی زیندانی سنە، ڕێکخراوی زیندانەکانی هێزی قەزاییەیە.