كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی هەینی ١٨ی پووشپەڕ، کۆڵبەرێکی کورد بە ناوی "عەبدولعەزیز حاجیپوور"، تەمەن ٤٣ ساڵ، کوڕی عەبدولجەبار و خەڵکی گوندی "چریاوا" سەر بە ناوچەی مەرگەوەڕ، لە ئەنجامی تەقەی ڕاستەوخۆی هێزەکانی سپای پاسداران لە سنووری ورمێ، گیانی لەدەست داوە.
ڕۆژی سێشەممە ١٥ی پووشپەڕ، هاووڵاتییەکی کورد بە ناوی "کامیل سەیدان مەسکەن (جەباروەند)"، خەڵکی گوندی "چریاوا" سەر بە ناوچەی مەرگەوەڕ، لە زیندانی ورمێ بۆ گرتنگەی ئیدارەی ئیتلاعاتی ئەو شارە ڕاگوێزراوە.
ئێوارەی ڕۆژی پێنجشەممە ١٧ی پووشپەڕ، تەقینەوەی گولـلەیەکی بەجێماو لە شەڕی نێوان ئێران و عێراق لە نزیکیی گوندی "بەستام" لە سنووری سێف، بوو بەهۆی گیانلەدەستدانی دوو هاووڵاتی.
سێ هاووڵاتیی کورد بە ناوەکانی "ئارام مورادیان"، کوڕی عوسمان، "ئەمیر ڕەزایی"، کوڕی جەمیل و "ئارەش ئەحمەدی"، کوڕی ناسر، خەڵکی گوندی "تەنگیسەر" سەر بە ناوچەی ژاوەرۆی سنە، سەرەڕای تێپەڕبوونی نزیکەی ٢ مانگ لە دەسبەسەرکرانیان، هەروا لە گرتنگەدان…
ڕۆژی سێشەممە ١٥ی پووشپەڕ، کۆڵبەرێکی کورد بە ناوی "محەممەد بەهرامی"، کوڕی شەریف و خەڵکی گوندی "باخچەلە" سەر بە سەقز، لە ئەنجامی تەقەی هێزە نیزامییەکانی حکوومەتی لە سنووری بانە بریندار بووە.
ڕۆژی دووشەممە ١٤ی پووشپەڕ، هاووڵاتییەک بە ناوی "ئەمین ئێرانیزادە"، کوڕی ناسر و خەڵکی گوندی "قاسملوو" سەر بە ورمێ، لەلایەن هێزە ئەمنییەتییەکانەوە دەسبەسەر کرا.
ڕۆژی چوارشەممە ١٦ی پووشپەڕ، خەیروڵڵا حەقجوویان، ئەندامی کۆڕی ڕاوێژی چالاکانی مەدەنیی یارسان بە دانانی بارمتە لە زیندانی دێزڵاوای کرماشان ئازاد کرا.
ڕۆژی سێشەممە ١٥ی پووشپەڕ، زیندانییەکی سیاسیی کورد بە ناوی "نادر زیاییفەر"، کوڕی محەممەد و خەڵکی "مەلا عیسا" سەر بە ناوچەی "دەشتە بێڵـ"ـی شنۆ، بە شێوەی مەرجدار لە زیندانی نەغەدە ئازاد کرا.
ڕۆژی دووشەممە ١٤ی پووشپەڕ، هاووڵاتییەکی کورد بە ناوی "ناهید کەمانگەر"، خەڵکی کامیاران پاش بانگهێشتکردنی بۆ ستادی خەبەریی ئیدارەی ئیتلاعاتی ئەو شارە، دەسبەسەر کرا.
لە چارەنووسی پێنج هاووڵاتیی کورد بە ناوەکانی "کاوە منبەری، شێرکۆ منبەری، پەیام منبەری، سەریاد منبەری و میکائیل منبەری"، زانیارییەکی ورد لەبەردەستدا نییە.
ئاژانسی هەواڵدەریی کوردپا
