كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
نیوەڕۆی ڕۆژی سێشەممە ٤ی خەزەڵوەر، مەحیەدین ئیبراهیمی و مەحیەدین تازەوارد، دوو زیندانیی سیاسی و مەزهەبیی مەحکووم بە ئێعدام و خەڵکی شنۆ، لە بەندی زیندانییانی سیاسیی زیندانی ورمێ، بۆ شوێنێکی نادیار ڕاگوێزران.
هاووڵاتییەک بە ناوی "گوڵاڵە مورادی"، خەڵکی پیرانشار، سەرەڕای تێپەڕبوونی ٦ مانگ لە دەسبەسەرکرانی، هەنووکە لە زیندانی ناوەندیی ورمێیە و هەروا چارەنووسی ناڕوونە.
پیاوێک لە ڕەوتی شەڕ و دەمەقاڵێ لەگەڵ هاوسەرەکەی بە ناوی "گوڵاڵە دەهار"، کچی عەلی و خەڵکی پیرانشار، ناوبراوی لە ماشینەکەی فڕێ داوەتە خوارەوە و بووتە هۆی گیانلەدەستدانی.
ئەمڕۆ دووشەممە ۳ی خەزەڵوەر، عوسمان ئیسماعیلی، چالاکی کرێکاری و خەڵکی سەقز، لە یەکێک لە گرتنگە ئەمنییەتییەکان لە سنە، ڕەوانەی زیندانی ئەو شارە کرا.
ڕۆژی پێنجشەممە ٢٩ی ڕەزبەر، هاووڵاتییەکی کورد بە ناوی "لوقمان قادری"، کوڕی عەزیز، خەڵکی گوندی "پەسوێ" و دانیشتووی پیرانشار، لەلایەن هێزە ئەمنییەتییەکانەوە دەسبەسەر کرا.
ڕۆژی یەکشەممە ٢ی خەزەڵوەر، هاووڵاتییەک بە ناوی "هێمن ئەرزەن"، کوڕی حوسێن و خەڵکی پیرانشار، لەلایەن هێزە ئەمنییەتییەکانەوە دەسبەسەر و ڕەوانەی شوێنێکی نادیار کرا.
لە ماوەی ڕۆژانی ڕابردوودا، چالاکێکی ژینگەیی بە ناوی "ڕۆیا جەلالی"، خەڵکی سنە، لەلایەن لقی ١ی دادگای ئینقلابی ئەو شارەوە، بە سەرۆکایەتی دادوەر "سەعیدی"، بە ٢ ساڵ زیندانی هەڵپەسێردراو مەحکووم کرا.
شەوی ڕابردوو لە ئەنجامی وەرگەڕانی ماشینێک لە جۆری "سەواری" لە "داڵانیـ"ـی هەورامان بەهۆی خراپیی ڕێگاوبانەوە، ٦ کۆڵبەر کوژراو و بریندار بوونە.
ڕۆژی شەممە ١ی خەزەڵوەر، مریەم سادقی، چالاکی مافی ژنان و ئەندامی کومیتەی هاوئاهەنگی بۆ یارمەتیدان لە ڕاستای دروستکردنی دامەزراوە کرێکارییەکان لە سنە، لەلایەن هێزە ئەمنییەتییەکانەوە دەسبەسەر کرا.
ڕۆژی شەممە ١ی خەزەڵوەر، هاووڵاتییەکی کورد بە ناوی "عەتا (شەماڵ) ڕەحمانزادە" خەڵکی سەقز، بۆ جێبەجێکردنی حوکمەکەی ڕەوانەی زیندانی ئەو شارە کرا.
ئاژانسی هەواڵدەریی کوردپا
