كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
شەوی پێنجشەممە ١٦ی بەفرانبار، دوو کۆڵبەر بە ناوەکانی "فەرەیدوون"، خەڵکی گوندی "دێ باوکە" سەر بە ڕوانسەر و "سیرووس"، خەڵکی سەرپێڵ زەهاو سەر بە کرماشان، لە ئەنجامی تەقەی هێزە نیزامییەکانی حکوومەتی ئێران لە سنووری نەوسوود بریندار کران.
ڕۆژی پێنجشەممە ١٦ی بەفرانبار، بەهۆی تەقینەوەی مین لە ناوچەی "کەنجانچەم بان چەرمەگ" سەر بە شاری مێهران، چوار مێرمنداڵ بریندار بوون.
زیندانییەکی سیاسیی کورد بە ناوی "محەممەد مورادی"، خەڵکی گوندی "قەبری حوسێن" سەر بە پیرانشار و بەندکراو لە زیندانی نەغەدە تووشی نەخۆشیی "فتق" بووە و بەرپرسی زیندان لەگەڵ ڕاگواستنی ناوبراو بۆ دەرەوەی زیندان دژایەتیی کرد.
ڕۆژی چوارشەممە ١٥ی بەفرانبار، مێرمنداڵیک بە ناوی "سپێهر ئاهەنی"، تەمەن ١٦ ساڵ، خەڵکی سەقز کۆتایی بە ژیانی خۆی هێنا.
ڕۆژی دووشەممە ١٣ی بەفرانبار، هونەرمەندێکی کورد بە ناوی "خالید کەریمنیا" ناسراو بە "خالید نارین" خەڵکی شاری سەقز، لە زیندانی ئەو شارە ئازاد کرا.
ڕۆژی چوارشەممە ١٥ی بەفرانبار، موژگان کاووسی، نووسەر و لێکۆڵەری کورد لە زیندانی کەچوویی کەرەج ئازاد کرا.
سەرەڕای تێپەڕبوونی زیاتر لە ٢ مانگ لە کاتی دەسبەسەرکرانی هاووڵاتییەکی کورد بە ناوی "عەبدوڵڵا مەهجوور"، تەمەن ٥٥ ساڵ و خەڵکی گوندی "مەلقەڕەنی" سەر بە سەقز، لە چارەنووسی ناوبراو زانیارییەک لەبەر دەستدا نییە.
ڕۆژی چوارشەممە ١٥ی بەفرانبار، کۆڵبەرێکی کورد بە ناوی "حاتەموڵڵا وەیسی"، خەڵکی جوانڕۆ، بەهۆی بەربوونەوە لە بەرزایی لە سنووری نەوسوود بریندار بوو.
بەرەی یەکگرتووی کورد ڕاگەیەندراوێکی ئێعترازیی سەبارەت بە بڕیاری بەندکردنی "زارا محەممەدی" بڵاو کردەوە.
ڕۆژی چوارشەممە ١٥ی بەفرانبار،ژنێک بە ناوی "ئێلناز کەلەشی"، کچی "فارس"، خەڵکی گوندی "قونی" سەر بە ناوچەی سۆما و برادۆستی ورمێ کە ئاگری لە جەستەی خۆی بەردابوو، بەهۆی ڕێژەی زۆری سووتاوییەکەیەوە گیانی لەدەست دا.
ئاژانسی هەواڵدەریی کوردپا
