كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ئێوارەی ڕۆژی هەینی ٦ی جۆزەردان، کچێکی خوێندکاری خەڵکی شاری دیواندەرە، پاش ڕفێندرانی لە سنە لەلایەن دوو کەس کە خۆیان بە "موسافیرکێش" ناساندبوو، پاش ئەوەیکە خۆی لە ماشینەکەی ئەوان فڕێ دایە خوارەوە، گیانی لەدەست دا.
ڕۆژی شەممە ٧ی جۆزەردان، چالاکێکی ژینگەیی بە ناوی "سامان میرەکی" لەلایەن لقی ١ی دادگای ئینقلابی سنە بە سەرۆکایەتی "حوسێن سەعیدی" بە ٦ مانگ زیندانی تەعزیری و دوو ساڵ زیندانی تەعلیقی مەحکووم و چوار هاووڵاتیی دیکە بە ناوەکانی "ئارمان سەلیمی"،…
ڕۆژی شەممە ٧ی جۆزەردان، "ئیرەج ڕەحیمزادە" چالاکی ژینگەیی خەڵکی گوندی "ڕوار"ی سەوڵاوا و دانیشتووی شاری مەریوان، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزرا.
ڕۆژی شەممە ٧ی جۆزەردان، هاووڵاتییەکی کورد بە ناوی "کەماڵ قویتاسی" پاش بانگهێشتکردنی بۆ لقی جێبەجێکاری سزاکانی دادگای ئینقلابی شنۆ، دەسبەسەر و بۆ جێبەجێکردنی حوکمەکەی ڕەوانەی زیندانی ئەو شارە کرا.
ئەمڕۆ شەممە ٧ی جۆزەردان، کۆڵبەرێکی کورد بە ناوی "ئاکۆ ڕەسووڵی" تەمەن ٢٥ ساڵ کوڕی ڕەحیم خەڵکی شاری بانە، بەهۆی تەقەی ڕاستەوخۆی هێزە نیزامییەکانی حکوومەت لە سنووری ئەو شارە گیانی لەدەست دا.
سەرلەبەیانیی ئەمڕۆ شەممە ٧ی جۆزەردان، تەرمی "بەهلوول سەیدانیفەر" دووەمین کۆڵبەری ونبوو لە بەفر و کڕێوە، خەڵکی گوندی "باوانـ"ـی ناوچەی مەرگەوەڕی ورمێ، لە بەرزاییەکانی گوندی "گەلێشم" لە تورکیە دۆزرایەوە.
ڕۆژی چوارشەممە ٤ی جۆزەردان، چالاکێکی ژینگەپارێزی بە ناوی "ئوسوەت زەردۆیی" تەمەن ٣٠ ساڵ کوڕی ئیبراهیم خەڵکی شاری باینگانی پاوە، بە دانانی بارمتە لە زیندانی دیزڵاوای کرماشان ئازاد کرا.
ڕۆژی هەینی ٦ی جۆزەردان، پزیشكێک بە ناوی "نگین ئیبراهیمزادە" کچی مەنسوور خەڵکی گوندی "گونبەد" سەر بە ناوچەی سۆمای ورمێ، پاش هەوڵدان بۆ خۆکوژی گیانی لەدەست دا.
پاش داڕووخانی بینای مێترۆپۆلی شاری ئابادان کە بووە هۆی گیانلەدەستدانی ٢٨ هاووڵاتی، لەو ٢٨ کەسە پێنج کەسیان خەڵکی شارەکانی شاباد سەر بە پارێزگای کرماشان و شاری ئاسمانئاوای پارێزگای ئیلامن.
ڕۆژی پێنجشەممە ٥ی جۆزەردان، فەرهاد مەعرووفی هاووڵاتیی کوردی خەڵکی گوندی "ئاڵیاوێـ"ـی شاری شنۆ، پاش بانگهێشتکردنی بۆ دادگای ئینقلابی ئەو شارە، دەسبەسەر و بۆ زیندانی شنۆ ڕاگوێزرا.
ئاژانسی هەواڵدەریی کوردپا
