كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ئەمڕۆ یەکشەممە ٢٠ی خەرمانان، کۆبوونەوەی دادگاییکردنی ئیجلال قەوامی، ڕۆژنامەنووس و دانیشتووی شاری سنە، بە تۆمەتی "پڕۆپاگەندە دژی نیزام" لە لقی ٥ی لێپرسی دادسەرای گشتی و ئینقلابی ئەو شارە بەڕێوە چوو.
لە ماوەی ڕۆژانی ڕابردوودا، کچێکی مێرمنداڵ بە ناوی "فەرزانە ئیبراهیمزادە" تەمەن ١٦ ساڵ کچی محەممەد، بەهۆی دژایەتیکردنی بنەماڵەکەی لە پێکهێنانی ژیانی هاوبەش ئاگری لە جەستەی خۆی بەردا.
ڕۆژی سێشەممە ١٥ی خەرمانان، هاووڵاتییەکی کورد بە ناوی "ئومید مورادی" کوڕی قادر خەڵکی شاری "نەڵۆسـ"ـی سەر به شنۆ، بە دانانی بارمتە، لە زیندانی ئەو شارە ئازاد کرا.
ڕۆژی سێشەممە ١٥ی خەرمانان، هاووڵاتییەکی کورد بە ناوی "سەید سالار سەیدڕەحیمی" کوڕی عەبدوڵڵا خەڵکی گوندی "گامێش گۆلی" سەر بە شاری میاندووئاو، لە یەکێک لە گرتنگە ئەمنییەتییەکانی ئەو شارە ئازاد کرا.
ڕۆژی سێشەممە ١٥ی خەرمانان، هاووڵاتییەکی کورد بە ناوی "سەلاحەدین ئەحمەدی" تەمەن ٤٢ ساڵ کوڕی مستەفا خەڵکی گوندی "سینگانـ"ـی شنۆ، لە زیندانی ئەو شارە ئازاد کرا.
ڕۆژی پێنجشەممە ١٧ی خەرمانان، مێرمنداڵێکی تەمەن ١٧ ساڵ بە ناوی "ئارمین مەلەکی" خەڵکی شاری ڕوانسەر کۆتایی بە ژیانی خۆی هێنا.
ڕۆژی پێنجشەممە ١٧ی خەرمانان، سێ هاووڵاتیی کورد بە ناوەکانی "حەکیم میرزایی"، "هیوا میرزایی" و "زاهیر مورادی"، خەڵکی گوندی "بێمزورتێـ"ـی شاری شنۆ، بە دانانی بارمتە لە زیندانی ئەو شارە ئازاد کران.
ڕۆژی پێنجشەممە ١٧ی خەرمانان، ژنێک بە ناوی "شلێر ڕەسووڵی" تەمەن ٣٦ ساڵ خەڵکی گوندی "چەشمییەر سەر بە شاری سەوڵاوا و دانیشتووی مەریوان کە لە ترسی ئەوەیکه "دەستدرێژی" نەکرێتە سەری، خۆی لە دەلاقە هەڵدابووە خوارەوە، گیانی لەدەست دا.
بە بەرزبوونەوەی ڕێژەی کوشتنی کۆڵبەران لە ناوچە سنوورییەکان، تەنیا لە ماوەی ڕۆژانی ١١هەتا ١٥ی خەرمانانی ساڵی ١٤٠١، بە گشتی ١٣ کۆڵبەر لە ناوچە سنوورییەکانی نەوسوود، بانە، مەریوان و سەردەشت، بریندار کراون.
شەوی شەممە ڕێکەوتی ١٢ی خەرمانان، ژنێک بە ناوی "شلێر ڕەسووڵی" تەمەن ٣٦ ساڵ خەڵکی گوندی "چەشمییەر" سەر بە شاری سەوڵاوا و دانیشتووی مەریوان، لە ترسی ئەوەیکە پیاوێک دەسدرێژی نەکاتە سەری، خۆی لە دەلاقەی ئەو ماڵە، فڕێ دەداتە خوارەوە.
ئاژانسی هەواڵدەریی کوردپا
