كوردپا، ئاژانسی هەواڵدەریی كوردستان، بە رەچاوكردنی تەواوی پرەنسیپ و بنەما ئەخلاقی و مرۆییەكان بە مەبەستی دۆزینەوە و شەفافسازی راستییەكان چالاكی دەكات
ڕۆژی سێشەممە، ١٢ی بەفرانبار، هاووڵاتییەکی کورد بە ناوی "محەممەدجەعفەر محەممەدی"، تەمەن ٥٥ ساڵ، کوڕی تۆفیق و خەڵکی سنە، بە دانانی بارمتەی ٢٠٠ میلیۆن تمەنی و بە شێوەی کاتی لە زیندانی ئەم شارە ئازاد کرا.
ڕۆژی سێشەممە، ١٢ی بەفرانبار، سادق مەحموودنژاد، خۆپیشاندەری خەڵکی پیرانشار کە چاوی بریندار بووە، پاش بانگهێشتکران بۆ لقی جێبەجێکاری سزاکانی دادگای ئەم شارە، دەسبەسەر و بە مەبەستی جێبەجێکرانی سزاکەی، ڕەوانەی زیندانی نەغەدە کرا.
ڕۆژی یەکشەممە، ١٠ی بەفرانبار، هاووڵاتییەکی کورد بە ناوی "حەمزە سەجادی"، تەمەن ٣٣ ساڵ و خەڵکی سنە، پاش بانگهێشتکران بۆ لقی جێبەجێکاری سزاکانی دادگای ئینقلابی ئەم شارە، دەسبەسەر کرا و بۆ زیندانی سنە ڕاگوێزرا.
سەرلەبەیانیی ڕۆژی سێشەممە، ١٢ی بەفرانبار، داوود عەبدوڵڵاهی، زیندانیی عەقیدەتیی کورد، پاش ١٤ ساڵ زیندان، لە زیندانی قزڵحساری کەرەج لە سێدارە درا.
بەپێی ئاماری تۆمارکراو لە ڕێکخراوی مافی مرۆیی کوردپا، ٣٤١ کۆڵبەر لە ساڵی ٢٠٢٣دا کوژراون و بریندار کراون کە ٢٢ کەسیان تەمەنیان کەمتر لە ١٨ ساڵ بووە.
ڕۆژی یەکشەممە، ١٠ی بەفرانبار، سەیاد دەرویشی، برای فەرجاد دەرویشی لە گیانلەدەستداوانی بزووتنەوەی ژن، ژیان، ئازادی لە ورمێ، پاش نزیک بە دوو مانگ دەسبەسەرکران، بە دانانی بارمتەی یەک میلیاردی و بە شیوەی کاتی لە زیندانی ورمێ ئازاد کرا.
ڕۆژی دووشەممە، ١١ی بەفرانبار، دوو هاووڵاتیی کورد بە ناوەکانی "مورتزا محەممەدی" و "ئیبراهیم محەممەدی"، خەڵکی سنە لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزران.
ڕۆژی یەکشەممە ١٠ی بەفرانبار، کۆڵبەرێکی کورد بە ناوی "بەهمەن قادری" کوڕی مەجید و خەڵکی مەریوان بە هۆی بەربوونەوە لە بەرزاییەکانی سنووری هەورامان بەتوندی بریندار بوو.
دۆسییەی ڕەزا ڕەسایی، زیندانیی سیاسیی مەحکووم بە لەسێدارەدان و لە دەسبەسەرکراوانی بزووتنەوەی ژن، ژیان، ئازادی کە لە زیندانی دێزڵاوای کرماشاندایە، ڕادەستی بەشی جێبەجێکاری سزاکانی دادگای کەیفەریی کرماشان کرا.
ڕۆژی یەکشەممە، ١٠ی بەفرانبار، هاووڵاتییەکی کورد بە ناوی "خۆشناو عەینی"، خەڵکی گوندی "سینگان"ی شنۆ، بە مەبەستی جێبەجێکرانی حوکمەکەی، ڕەوانی زیندانی ئەم شارە کرا.
ئاژانسی هەواڵدەریی کوردپا
