ڕۆژی دووشەممە ٥ی خەزەڵوەر، چالاکێکی مەزهەبی بە ناوی "موختار ئیبراهیمی" خەڵکی شاری مەهاباد، پاش تەواوبوونی ماوەی لێپرسینەوەکەی لە ئیدارەی ئیتلاعاتی شاری ورمێ، بۆ بەندی تەلاشی زیندانی ئەو شارە ڕاگوێزرا.
ڕۆژی پێنجشەممە ٨ی خەزەڵوەر، "مامۆستا ڕەسووڵ حەمزەپوور" خەڵکی گوندی "خراپە"ی شاری پیرانشار و پێشنوێژی هەینی گوندی " "ئەندێزێـ"ـی بەخشی لاجانی پیرانشار، بە دانانی بارمتەی ١ میلیارد تەمەنی لە زیندانی ناوەندیی ورمێ ئازاد کرا.
ڕۆژی سێشەممە ٦ی خەزەڵوەر، هاووڵاتییەکی کورد بە ناوی "حوسێن شێرزاد" تەمەن ٢٧ ساڵ خەڵکی گەڕەکی "شەریفئاوا"ی شاری تیکاب، لەلایەن هێزە ئەمنییەتییەکانەوە دەسبەسەر کراوە و بۆ شوێنێکی نادیار ڕاگوێزرا.
ڕۆژی چوارشەممە ٧ی خەزەڵوەر، ٥ زیندانی بە تۆمەتی "کوشتنی بە ئەنقەست" بە ناوەکانی "زەینولعابدین حوسێنزادە، عەلی مەلەکی، یاسر پوورمحەممەدی، مورتەزا حەیدەری و مووسا نێعمانی" بۆ جێبەجێکردنی حوکمی لە سێدارەدانیان، ڕەوانەی ژووری تاکەکەسی لە…
ڕۆژی سێشەممە ٦ی خەزەڵوەر، مێرمنداڵێکی تەمەن ١٦ ساڵ بە ناوی "سینا نیکپی" کوڕی کامران خەڵکی گوندی "نێـ"ـی مەریوان، لەلایەن هێزە ئەمنییەتییەکانەوە دەسبەسەر کرا.
چالاکێکی مەزهەبی سوننی مەزهەب بە ناوی " عەبدولعەزیز حەیدەرپوور" تەمەن ٣٧ ساڵ خەڵکی گوندی "کەرێز"ی بەخشی ئەنزەل و دانیشتووی ورمێ، لە بەندی تەلاشی زیندانی ئەو شارە تووشی ڤایرۆسی کۆرۆنا بووە.
حوکمی ١٥ ساڵ زیندانیی سەعید سەنگەر، زیندانیی سیاسی لە گرتووخانەی ورمێ، لەلایەن دیوانی باڵای وڵاتەوە ڕەت کرایەوە.
ڕۆژی سێشەممە ٦ی خەزەڵوەر، لاوێکی کورد بە ناوی "عەتا فەتاحی" تەمەن ٢٤ ساڵ کوڕی محەممەد خەڵکی گوندی "سەردۆش" سەر بە شاری مەریوان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
لقی ٦ی لێپرسینەوەی دادگای ئینقلابی شاری ورمێ، لەگەڵ ئازادکردنی کاتیی مامۆستا "ڕەسووڵ حەمزەپوور" خەڵکی گوندی "خراپە"ی شاری پیرانشار و پێشنوێژی گوندی "ئەندێزێـ"ـی بەخشی لاجانی پیرانشار، بە دانانی بارمتە دژایەتی کرد.
ڕۆژی سێشەممە ٦ی خەزەڵوەر، هاووڵاتییەکی کورد بە ناوی "فەرشاد فەتاحی" خەڵکی ورمێ، پاش تەواوبوونی ماوەی لێپرسینەوەکەی لە گرتنگەی ئیدارەی ئیتلاعات، بۆ زیندانی ناوەندیی ئەو شارە ڕاگوێزرا.
ئاژانسی هەواڵدەریی کوردپا
