ڕۆژی یەکشەممە ١٠ی ڕەشەمە، هاووڵاتییەکی کورد بە ناوی "شۆڕش بەرهەم"، خەڵکی شاری شنۆ، بە دانانی بارمتە بە شێوەی کاتی هەتا کۆتایی قۆناغەکانی دادڕەسییەکەی، لە یەکێک لە گرتنگە ئەمنییەتییەکان لە ورمێ ئازاد کراوە.
ڕۆژی سێشەممە ۱۲ی ڕەشەمە، وەرزێڕێک بە ناوی "ستار ئەزهەری"، خەڵکی گوندی "لکبن" سەر بە پیرانشار، بەهۆی تەقینەوەی مین بریندار بوو.
ڕۆژی دووشەممە ١١ی ڕەشەمە، دوو هاووڵاتیی کورد بە ناوەکانی "سۆران موعیندووست"، کوڕی ڕەحیم و "ئەهوەن فرووزان"، کوڕی ئیبراهیم، خەڵکی گوندی "گەورە قەڵا" سەر بە بەخشی سەرشیوی شاری سەقز، لەلایەن هێزە ئەمنییەتییەکانەوە دەسبەسەر کران.
ئەمڕۆ سێشەممە ١٢ی ڕەشەمە، هاووڵاتییەکی کورد بە ناوی "عەبدولغەنی دەروێشی"، خەڵکی ورمێ بە دانانی بارمتەی ١ میلیارد تمەنی بە شێوەی کاتی لە زیندانی ورمێ ئازاد کرا.
ئەمڕۆ سێشەممە ١٢ی ڕەشەمە، هاووڵاتییەکی کورد بە ناوی "فەرەیدوون مووساپوور"، خەڵکی شاری ڕەبەتی سەردەشت، بۆ بەندی زیندانییانی سیاسیی زیندانی ورمێ ڕاگوێزرا.
رۆژی یەکشەممە ١٠ی ڕەشەمە، چوار هاووڵاتیی کورد بە ناوەکانی "مادیح مەحیەدینی"، "ئارمان شێرزاد"، "ڕۆژگار فەرقیزادە" و "محەممەدساڵح گوودەرزی"، خەڵکی شاری مەریوان، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزراون.
ڕۆژی شەممە ٩ی ڕەشەمە، هاووڵاتییەکی کورد بە ناوی "کەیوان نژادڕەسووڵ"، تەمەن ٢٨ ساڵ، کوڕی محەممەد و خەڵکی گوندی "شیناوێ" سەر بە پیرانشار، بۆ جێبەجێکردنی حوکمەکەی ڕەوانەی زیندانی نەغەدە کراوە.
ڕۆژی شەممە ٩ی ڕەشەمە، زیندانییەکی سیاسیی کورد بە ناوی "شەفیع فەقیزادە"، خەڵکی شنۆ، بە شێوەی مەرجدار لە زیندانی ئەو شارە ئازاد کرا.
حوکمی ١١ مانگ زیندانی سەعید سەنگەر، زیندانیی سیاسیی بەندکراو لە زیندانی ورمێ بە "تسلیم بە رأی"، بۆ ٩ مانگ زیندان کەم کرایەوە.
ڕۆژی یەکشەممە ١٠ی ڕەشەمە، دوو هاووڵاتیی کورد بە ناوەکانی "کەماڵ قۆیتاسی"، خەڵکی گوندی "چەشمەگۆل" و "ڕەحمان یووسفی"، خەڵکی گوندی "سەوجە"، بە دانانی بارمتە بە شێوەی کاتی هەتا کۆتایی قۆناغەکانی دادڕەسییەکەیان لە زیندانی شنۆ ئازاد کراون.
ئاژانسی هەواڵدەریی کوردپا
