ئێوارەی ڕۆژی سێشەممە ٢٦ی ڕەشەمە، هێزەکانی سپای پاسداران هێرشیان کردە سەر گوندی "حەسەن نووران" سەر بە شاری شنۆ و هەڕەشەیان لە خەڵکی ئەو گوندە کردووە کە مافیان نییە ڕێوڕەسمی چوارشەممەسووری بەڕێوە ببەن.
ڕۆژی سێشەممە ٢٦ی ڕەشەمە، هاووڵاتییەکی کورد بە ناوی "فەردین ئەدوایی"، خەڵکی گوندی "سلێن" سەر بە شاری سەوڵاوا، بە دانانی کەفاڵەت بە شێوەی کاتی هەتا کۆتایی قۆناغەکانی دادڕەسییەکەی لە زیندانی مەریوان ئازاد کرا.
ڕۆژی دووشەممە ٢٥ی ڕەشەمە، هاووڵاتییەکی کورد بە ناوی "سەلاحەدین ئەفلیدە"، کوڕی ڕەحمان و خەڵکی مەهاباد، بۆ بەندی زیندانییانی سیاسیی زیندانی ورمێ ڕاگوێزرا.
هاووڵاتییەکی کورد بە ناوی "پەیام ئەنوەری"، کوڕی کاوە و خەڵکی شاری بانە، پاش (تسلیم بە رأی) بۆ جێبەجێکردنی حوکمەکەی بۆ زیندانی ناوەندیی سنە ڕاگوێزراوە.
دوو هاووڵاتیی کورد بە ناوەکانی "مێعراج مورتەزایی" و "هیوا عەزیزپوور"، خەڵکی گوندی "دێوەزناو" سەر بە شاری سەوڵاوا، لەلایەن دادگای ئینقلابی مەریوان، سەرجەم بە ١٧ مانگ زیندان مەحکووم کران.
ڕۆژی دووشەممە ٢٥ی ڕەشەمە، "فەرشاد جەهش"، چالاکی سوننە مەزهەب، بۆ بەندی زیندانییانی سیاسیی زیندانی ورمێ ڕاگوێزرا.
شەوی هەینی ۲۲ی ڕەشەمە، کۆڵبەرێک بە ناوی "بورهان سلێمانی"، تەمەن ۳۰ ساڵ و کوڕی تەیب، بەهۆی ئەشکەنجەدانی لەلایەن هێزەکانی ئەرتشی تورکیە لە سنووری "کۆتۆلـ"ـی خۆی، گیانی لەدەست دا.
ئەمڕۆ دووشەممە ۲٥ی ڕەشەمە، هاووڵاتییەکی کورد بە ناوی "تەها ئاتەشئەفراز"، خەڵکی کۆنەخانێی پیرانشار، بە دانانی بارمتە بە شێوەی کاتی لە گرتنگەی ئیدارەی ئیتلاعاتی ورمێ ئازاد کرا.
لە ماوەی ڕۆژانی ڕابردوودا، هاووڵاتییەکی کورد بە ناوی "عەبدوڵڵا چاوەشی" خەڵکی گوندی "حاجی لەک" سەر بە ناوچەی "چۆمی مەجیدخانـ"ـی بۆکان، بە کۆتایی ماوەی زیندانیبوونەکەی لە زیندانی بۆکان ئازاد کرا.
ڕۆژی پێنجشەممە ١٤ی رەشەمە، سامان کەریمی، زیندانیی سیاسیی کورد و خەڵکی شاری بانە، بە دانانی بارمتە بە شێوەی کاتی هەتا کۆتایی قۆناغەکانی دادڕەسییەکەی، لە زیندانی سنە ئازاد کرا.
ئاژانسی هەواڵدەریی کوردپا
