ڕۆژی یەکشەممە ١٦ی گەلاوێژ، دوو هاووڵاتیی کورد بە ناوکانی "سەلاحەدین ئەحمەدی" تەمەن ٤٢ ساڵ کوڕی مستەفا و خەڵکی گوندی سینگان" و "ئومید مورادی" کوڕی قادر خەڵکی شاری "نەڵۆسـ"ـی شنۆ، پاش تەواوبوونی ماوەی لێپرسینەوەکەیان، لە یەکێک لە گرتنگە…
ئەمڕۆ یەکشەممە ١٦ی گەلاوێژ، کۆڵبەرێکی لاو بە ناوی "هەژار فەرەجی" تەمەن ٢٩ ساڵ کوڕی ئەنوەر، لە ئەنجامی تەقەی هێزە نیزامییەکان لە سنووری "سارداو"ی بانە گیانی لە دەست دا.
لە ماوەی ڕۆژانی ڕابردوودا، ژمارەیەک لە زیندانییان لە زیندانی بۆکان، لەگەڵ دەرکەوتنی هێندێک نیشانەی ڤایرۆسی کۆرۆنا لە جەستەیان بەرەوڕووبوونەوە کە بەرپرسانی زیندان لە وەرگرتنی تاقیکاریی کۆرۆنا خۆیان بواردووە.
ڕۆژی شەممە ١٥ی گەلاوێژ، کرێکارێکی کورد بە ناوی "ڕەحمەت سلێمانی" تەمەن ٣٦ ساڵ خەڵکی مەهاباد، بەهۆی بەربوونەوە لە بەرزایی لە کاتی کارکردن گیانی لەدەست دا.
ڕۆژی سێشەممە ١١ی گەلاوێژ، نەوید کۆنەپۆشی، چالاکی ژینگەیی خەڵکی شاری مەریوان، پاش بانگهێشتکردنی بۆ ئیدارەی ئیتلاعاتی ئەو شارە، دەسبەسەر کرا.
ڕۆژی هەینی ١٤ی گەلاوێژ، هاووڵاتییەکی ژن بە ناوی "شەیدا نەسیری" کچی محەممەد خەڵکی گوندی "بەفرەوانـ"ـی شاری مەهاباد کۆتایی بە ژیانی خۆی هێنا.
بڕیاری دەسبەسەریی کاتیی هاووڵاتییەک بە ناوی "میکائیل مینبەری" خەڵکی گوندی "نییەر" و دانیشتووی شاری سنە لەلایەن لقی دووی لێپرسی دادگای ئینقلابی سنە درێژ کرایەوە.
ڕۆژی پێنجشەممە ١٣ی گەلاوێژ، هاووڵاتییەک بە ناوی "کازم تابناک" کوڕی محەممەدئەمین خەڵکی گوندی "سینگانـ"ـی شاری شنۆ، پاش بانگهێشتکردنی بۆ ئیدارەی ئیتلاعاتی ئەو شارە، دەسبەسەر کرا.
ڕۆژی پێنجشەممە ١٣ی گەلاوێژ، بەهمەن مەحموودیئازەر، هاووڵاتیی خەڵکی شاری شنۆ، بە دانانی بارمتەی ٥٠٠ ملیۆن تمەنی لە زیندانی ئەو شارە ئازاد کرا.
لوقمان ئەفزەلی، ئەندامی ئەنجومەنی مامۆستایانی کوردستان - سنە، لەلایەن هەیئەتی پێڕاگەیشتن بە سەرپێچییە ئیدارییەکانی فەرمانبەرانی پارێزگای سنە، بۆ ماوەی دوو ساڵ بە گۆڕینی زۆرەملێی شوێنی کارەکەی بۆ پارێزگای "ئەردەبێڵ" مەحکووم کرا.
ئاژانسی هەواڵدەریی کوردپا
