ئاژانسی هەواڵدەریی کوردپا
ئاژانسی كوردپا: هەشتەمین خولی فێستیڤاڵی ئوستانیی فیلم و وێنە لە شاری سنە بۆ مانگی رەزبەر وەدوا خرا.
ماڵپەڕی ئەنجومەنی سینەمای لاوانی ئێران "نووسینگەی سنە" بڵاوی كردەوە، هەشتەمین خولی ئوستانیی فیلم و وێنەی ژیار بڕیار بوو رۆژانی 18 هەتا 20ی خەرمانان لە بەشەكانی: پێشبڕكێ، ئازاد، تایبەت و لاوەكی بەڕێوە بچێت.
سەرچاوەكە ئاشكراشی كرد، ئەو فێستیڤاڵە بەهۆی دەستێوەردانی ئیدارەی فەرهەنگ و ئیرشاد بۆ مانگی رەزبەر وەدوا خراوە و بڕیارە فێستیڤاڵی ژیار رێكەوتی 18 هەتا 20ی رەزبەر بەڕێوە بچێت.
لەو فێستیڤاڵەدا بەرهەمی سینەماكار، وێنەگر و سیناریۆنووسانی پارێزگای كوردستان، وەك بەهرەمەند، لاوان، خوێندكاران و ئۆگران و كەسانی بە ئەزموون دەخرێنە روو و تاوتوێ دەكرێن.
