Welatiyekî bajarê “Bokan”ê piştî binçavkirinê bo cihek nexuya hat veguhastin

Roja Duşemî 24ê Gelawêjê welatiyê Kurd yê bi navê “Celal Emînî” xelkê bajarê “Bokan”ê, ji aliyê hêzên ewlehî ve hat binçavkirin û bo cihek nexuya hat veguhastin.

Pêka çavkaniyek agehdar hêzên ewlehî bi daxistina rêya “Mîrava bo Bokan”ê maşîna wî welatiyê Kurd ragirtine û navbirî bi bê hebûna belgeyên yasayî binçavkirine.

Çavkaniya agehdar daye zanîn: Hêzên ewlehî piştî binçavkirina wî welatiyê Kurd êrîşkirine li ser mala wî û dest avêtine vekolîna mala wî.

“Celal Emînî” hevjînê “Ezîme Nasirî” girtiya siyasî ya berê ye ku li Gelawêja sala 1400an û Befranbara sala 1399`an ji aliyê hêzên ewlehî ve hatibû binçavkirin û piştî çend rojan binçavkirinê her 2 caran bi danîna barimteyê ji girtîgeha Navendî ya bajarê “Urmiyê” hatibû azadkirin.

Heta dema belavbûna vê nûçeyê, ji sedema binçavkirin û tohmetên ku li dijî navbirî hatine sepandin ti zanyariyek serrast ji ber dest nîne.