Sê welatiyên Kurd bi vergirtina soza nivîskî ji girtîgehê hatine azadkirin
Di heyama çend rojên derbasbûyî de, sê welatiyên Kurd ên bi navên “Perîsa Spahî” temen 17 salî xelkê bajarê Mihabadê, “Kewyar Elyasî” temen 18 salî xelkê bajarê Mihabadê û “Êrfan Zulfîniya” temen 18 salî xelkê bajarê Seqizê, bi vergirtina soza nivîskî ji girtîgeha îdareya Îtila`ata bajarê Urmiyê hatine azadkirin.
Pêka gotina çavkaniyeke agehdar, ew sê welatiyên Kurd piştî binçavkirinê ji aliyê hêzên ewlehî ve hatine îşkencekirin .
Herwisa wê çavkaniyê got: “Hêzên ewlehî ew sê welatiyên Kurd bi “hevkarîkirin digel yek ji Partiyên Kurdî yên dijberên hikûmeta Îranê” tawanbar kiriye.
Roja Yekşemî 14`ê Xakelêweyê, hêzên ewlehî bi bê hebûna belgeyên yasayî ew 3 welatiyên Kurd li nêzîk gundê “Karxaneqend”ê yê bajarê Pîranşehrê binçavkirin û piştre bo lêpirsînê bo girtîgeha ewlehî ya îdareya Îtila`ata bajarê Pîranşehrê veguhastibûn û piştre bo girtîgeha îdareya Îtila`ata bajarê Urmiyê veguhastibûn.
