Malbata “Kiyûmers Letîfî” bo îdareya Îtila`ata bajarê Sineyê hatin gazîkirin
Roja Sêşemî 3`ê Reşemê, malbata “Kiyûmers Letîfî” çalakvanê medenî yê xelkê bajarê Sineyê, bo îdareya Îtila`ata bajarê Sineyê hatine gazîkirin û lêpirsîn digel wan hate kirin.
Pêka gotina çavkaniyek agehdar, hêzên ewlehî gef ji malbata wî çalakvanê medenî xwarine ku, ji medyayîkirina binçavkirina “Kiyûmers Letîfî” xwe biparêzin û bêdeng bin.
Roja Şemî 30`ê Rêbendanê, hêzên ewlehî di encama lipey kevtina malbata “Kiyûmers Letîfî”, bona agehdarbûn ji qedera navbirî, xwîşka wî çalakvanê medenî a bi navê “Arizû Letîfî” binçav kiribûn.
“Arezû Letîfî” piştî binçavkirinê bo demek kêm, bi sedema rewşa tendirustiya wê ya xerab û lêxistina ji aliyê hêzên ewlehî ve, bo nexweşxaneya Tohîd a bajarê Sineyê hatibû veguhastin.
Roja Sêşemî, 26`ê Rêbendanê, “Kiyûmers Letîfî”, temen 41 salî û xelkê bajarê Sineyê, ji aliyê hêzên ewlehî ve bi tohmeta “hevkarî kirina digel yek ji partiyên Kurd yên dijberên hikûmeta Îranê”, hatibû binçavkirin.
“Kiyûmers Letîfî”, çalakvanê medenî û wanebêjê zimanê Kurdî ye, û berê jî endamê encûmena Mewlewî ya li bajarê Sineyê bûye.
“Kiyûmers Letîfî” li Xermanana sala 1398`an jî, bi tohmeta “hevkarîkirina digel yek ji partiyên Kurd yên dijberên hikûmeta Îranê”, hatibû binçavkirin û 5`ê Befranbara hemen salê bi danîna barimteyê hatibû azadkirin.
