Li girtîgeha bajarê Sarî yê girtiyek Kurd hat bidarvekirin

Roja Sêşemî 21ê Pûşperê, cezayê bidarvekirina girtiyê Kurd yê bi navê “Resûl Muradqolî” kurê “Rehmet” xelkê bajarê “Hersîn” ya ser bi bajarê “Kirmaşan”ê li girtîgeha navendî a bajarê “Sarî” yê hat cîbicîkirin.

Her di vê derheqê de, çavkaniyek agehdar ji Ajansa Nûçegihaniya “Kurdpa”yê re ragihandiye ku: “Ew girtiyê Kurd 3ê salan berî niha bi tohmeta kirîn û firotina madeyên hişber hatibû binçavkirin û piştre ji aliyê dezgeha dad a hikûmeta Îranê ve, cazayê bidarvekirinê bo hatibû birîn.”

 “Resûl Murdqolî” xelkê gundê “Sermacî” yê girêdayî bajarê “Hersîn”ê ye û termî wî li wî gundi bi axê hatiye spartin.

Heta niha nûçeya bidarvekirina wî girtiyê kurd ji aliyê medyayên navxweyî yên Îranê û çavkaniyên fermî nehatiye ragihandin.