Sibeha roja Sêşemî 8’ê Reşemeya 1402’an, kasibkarekî Kurd bi navê “Kavan Emicedînia” xelkê gundê “Gore Şîr” a ser bi bajarê Serdeştê ji aliyê hêzên leşkerí yên hikûmetê ve hat kuştin.
Êvariya roja Duşemî 7’ê Reşemeyê, kolberekî bi navê “Ceifer Ferecî” xelkê gundê “Dewlet Qela” ya ser bi bajarê Seqizê li sînorê bajarê Bane ji aliyê hêzên leşkerî yên dewletê ve hat kuştin.
Êvariya roja Yekşemî 6’ê Reşemeyê, girtiyê siyasî yê Kurd bi navê “Şahîn Geledar” kurê Elî xelkê gundê “Hekî” ya ser bi devera Tergewer, li girtîgeha Navendî ya Urmiyê de dawî bi jiyana xwe anî.
Êvara roja Şemiyê 5’ê Reşemeya 1402’an, hêzên leşkerî yên hikûmetê li sînorê Newsûdê gule berdane komek kolberan û herî kêm 21 kolber birîndar kirin.
Roja Pêncşemî 3`ê Reşemeyê, welatiyekî Kurd bi navê “Ebdulkerîm Kakul” piştî gazîkirina bo taya cîbicîkar ya Dadgeha Giştî û Şoreş a Şinoyê hat binçavkirin û ji bo cîbicîkirina cezayê girtîgehê bo girtîgeha vî bajarî veguhastin.
Roja Sêşemî 1ê Reşemeya 1402an a Rojî, Dana Lencabadî, çalakvanê medenî û girtiyê siyasî yê berê yê Merîwanê, bêyî biryara dadgehê ji aliyê hêzên ewlehiyê ve hat binçavkirin û bo girtîgeha Îdareya Îtilaata vî bajarî hat veguhastin.
Roja Pêncşemî 26ê Rêbendanê, welatiyekî Kurd bi navê “Ako Mihemedniya” xelkê bajarê Sine ji aliyê hêzên ewlehiyê ve hatiye binçavkirin û heya niha ti zanyariyek li derheq çarenivîsa wî de nîne.
Şahîn Vesaf welatiyek Kurd yê xelkê bajarê Selmasê û rûniştiyê bajarê Urmiye, piştî derbasbûna salek binçavkirinê ji aliyê taya sêyem a dadgeha Şoreş a Urmiye bi tohmeta "sîxorîkirina bo Îsraîl"ê bi îdamê hat cezakirin.
Roja Sêşemî 1ê Reşemeyê, ciwanê Kurd ê bi navê “Zana Mênberî” xelkê bajarê Sine ji aliyê hêzên ewlehiyê ve hat binçavkirin û bo cihekî nediyar veguhastin.
Roja Duşemî 30ê Rêbendanê, Mistefa Zahêrzihûr, çalakvanê medenî yê bajarê Sine, piştî danîna barimteyê, bi awayekî demkî ji girtîgehê hat azadkirin.
Ajansa Nûçegihandinê ya Kurdpa
