Derbarê çarenivîsa du welatiyên Kurd yên bi navên “Ehmed Xulamî” û “Resûl Obeydî” xelkê gundê “Sîveç” a bajarê Banê piştî ku ji aliyê hêzên ewlehiyê ve hatine girtin, ti agahî nehatine bidestxistin.
Sibeha roja Înê 15’ê Banemerê biryara îdamê yê girtiyê Serdeştê yê bi navê “Feramerz Şexisî” li girtîgeha Navendî ya Urmiyê hate bidarvekirin.
Sibeha roja Şemiyê 16’ê Banemerê, biryara îdamê yê du girtiyên bi navên “Selahedîn Mecîdî” û “Ebdullah Xanmihemedî” xelkê gundê “Heftvan” a ser bi navçeya Selmasê li girtîgeha vî bajarî de hatin bidarvekirin.
Roja Pêncşemî 14`ê Banemerê, cezayê îdamê yê girtiyê bi navê “Celaledîn Rehîmiyan Azar” yê xelkê Mehabadê li girtîgeha navendî ya Reştê (Lakan) birê ve çû.
Sê welatiyên Kurd bi navên “Cemal Elîzade”, “Hasil Qedû” û “Ebdulrehman Mihemedî Erşed” xelkê bajarê Pîranşarê, ji aliyê taya duyem a dadgeha Şoreş a Mehabadê bi serpereştiya dadwer “Acaqlû” bi cezayê girtîgehê hatin mehkûmkirin.
Roja Sêşemî 12’ê Banemerê, welatiyê bajarê Sinê Keyvan Zendkerîmî piştî 125 rojan binçavkirina demkî, bi danîna barimteya bi qasî 3 milyar Tûmenî heta dawîhatina dozê, ji girtîgeha Sinê hat berdan.
Mamoste “Arman Sadiqî”, pêşnimêjê Înê yê gundê “Hisênî” yê bajarê Dêhgolanê û rêveber û mamostayê Dar El _Ûlûma Mihemed Resûlullaha Dêhgolanê, ji aliyê dadgeha Taybet a Rûhaniyet a bajarê Hemedan ve, bi 7 meh û nîv girtîgeh, 74 qamçiyan û…
Zarokê 16 salî bi navê “Îhsan Mihemedî” kurê Îbrahîm û Meryem xelkê Emîrabad a Şinoyê li navenda çaksaziya bajarê Urmiyê de ye.
Ferzad Mehmûdpûr, welatiyê xelkê Şinoyê, tevî derbasbûna zêdetir ji 7 mehan li ser binçavkirina wî de, hîn di girtîgeha Urmiyê de ye.
Welatiyê Bokanê “Mesûd Darsenc” ji aliyê taya 101 a Dadgeha Cezayê ya 2 a vî bajarî ve, bi 33 meh cezayê girtîgehê hat mehkûmkirin.
Ajansa Nûçegihandinê ya Kurdpa
