Roja Yekşemî 14’ê Cozerdanê welatiyê bi navê “Areş Yûnisî” xelkê bajarê Dêhloran a ser bi parêzgeha Îlamê ji aliyê hêzên ewlehiyê ve hat binçavkirin û bo cihekî nediyar hat veguhastin.
Sibeha roja Duşemî 15’ê Cozerdanê, kolberê Kurd yê bi navê “Hoşyar Hesenpûr” xelkê Bane bi sedema gulleberdana hêzên artêşa Îranê li sînorê “Zile” jiyana xwe ji dest da.
Ciwanê Kurd ê bi navê “Fereydon Nebî” xelkê Pîranşarê ji aliyê dadgeha Şoreş a Mehabadê li taya 102 a dadgeha cezayên giran a bajarê Pîranşarê, cezayê hepsê û cezayê pere lê hat birîn.
Roja Pêncşemî 11’ê Cozerdanê ciwanê Kurd ê bi navê “Kavyan Molodî” temen 18 salî û kurê Omer xelkê Mehabadê ji aliyê hêzên ewlehiyê ve hat binçavkirin.
Roja Çarşemî 10’ê Cozerdanê, çalakvanê kedkarî yê bajarê Sinê “Îqbal Şeibanî” piştî danîna barimteya 500 milyon Tûmenî, bi awayekî demkî ji girtîgeha bajarê Sinê hat berdan.
Roja Duşemî 8ê Cozerdanê jineke ciwan bi navê “Perestû Şehbazî” xelkê gundê Mîrkî yê ser bi Dêhgolanê ji aliyê hevjînê xwe ve hat kuştin.
Roja Çarşemî 10’ê Cozerdanê, “Kemal Kerîmî”, çalakvanê kedkarî yê xelkê bajarê Sinê, piştî danîna barimteya 500 milyon Tûmenî, bi awayekî demkî ji girtîgeha bajarê Sinê hat azadkirin.
Roja Yekşemî 7 Cozerdanê welatiyekî Kurd bi navê “Şoreş Mihemedpûr” kurê Haşim xelkê gundê “Tengîser”a ser bi Sinê ji aliyê hêzên ewlehiyê ve hat binçavkirin.
Roja Yekşemî 7ê Cozerdanê, dadgeha pêregihîştin bi tohmetên sepandî bo ser yek ji binçavkiriyên şoreşa “Jin, Jiyan, Azadî” yê, “Perham Perwerî”, li taya 28 a Dadgeha Şoreş a bajarê Tehranê de bi serokatiya dadwer “Emûzad” bi rê ve ço.
Welatiyê Kurd yê bi navê “Rêbwar Talbî” kurê Kemal û xelkê Banê, ji aliyê taya 101 a dadgeha cezayên giran a 2 a vî bajarî, bi sê meh hesp û salek hepsa ragirtî hat cezakirin.
Ajansa Nûçegihandinê ya Kurdpa
