Koma govendê ya “Dîlan Urmiye” bû endamê Komeleya Folklorê ya Ewropî

Encûmena Folklorê ya Ewropî koma govendê ya “Dîlan Urmiye” bi awayê fermî kir bi endamê xwe. 

Encûmena Folklorê ya Ewropî bo wê koma çandî û hunerî birwaname derxistiye.  

Koma govendê ya “Dîlan Urmiye” di Adara sala 2009an de hate avakirin û di gelek festîvalên cor bi cor de beşdarî kiriye û di van boneyan de pile jî bi dest xistiye.

Girûpa Dîlana Urmiye, li çendîn festîvalê derveyê Îranê de jî beşdarî kiriye û li Havîna sala 1398`an de di festîvala navnetewî a “Ermenistan”ê de li beşa mûzîk û govendê, pileya 1`emîn bi dest xwe ve anîbû.

Herwisa wê girûpa çandî û hunerî, di meha Xexelwera sala 1398`an de beşdarî li festîvala mezin li bajarê torîstî yê “Yort Dimar” a Barsêlon a Îspaniyayê kiribû ku pileya 2`emîn di wê festîvala navnetewî de bi dest xwe ve anîbû.