Roja Çarşemî 24’ê Gelawêja 1403’an a Rojî, welatiyeka Kurd bi navê “Gelawêj Mihemedî Erşed” temen 45 salî keça Îbrahîm xelkê Mehabadê ji aliyê hêzên ewlehiyê ve hat binçavkirin û bo cihekî nediyar veguhastin.
Sibeha roja Duşemî 22’ê Gelawêja 1403’an a Rojî, welatiyekî Kurd bi navê “Selam Xizrinjad” kurê Murad xelkê gundê “Girde Ben” a Pîranşarê, ji aliyê hêzên ewhwiyê ve hat binçavkirin û bo cihekî nediyar veguhastin.
Roja Yekşemî 21’ê Gelawêja 1403’an a Rojî, kolberek bi navê “Elî Resûlî” xelkê Mehabadê li sînorê Serdeştê ji aliyê hêzên leşkerî yên dewletê ve hat kuştin.
Roja Pêncşemî 18’ê Gelawêja 1403’an a Rojî, Pexişan Nebîzade, jina Kurd a xelkê Bokanê, bi danîna barimteya 500 milyon Tûmenî heta dawiya dozê, bi awayekî demkî ji girtîgehê hat azadkirin.
Tevî ku 3 meh bi ser binçavkirina welatiyê Kurd ê bi navê “Mihemed Ferîq Şerîetpenahî” xelkê Bokanê re derbas bûye, lê ti zanyariyên rast li derheq çarenivîsa wî de nînin.
Roja Şemî 13’ê Gelawêja 1403’an a Rojî, Sureya Qeyteran, welatiya gundê “Kanî Mela” a ser bi bajarê Pîranşarê, hat binçavkirin û bo girtîgeha Urmiyê hat veguhastin.
Sibeha roja Pêncşemî 18’ê Gelawêja 1403’an a Rojî, welatiyekî Kurd bi navê “Saman Mîrzayî” xelkê gundê “Serhowiye”a ser bi bajarê Sine ji aliyê hêzên ewlehiyê ve hat binçavkirin û bo cihekî nediyar veguhastin.
Roja Pêncşemî 18’ê Gelawêja 1403’an a Rojî, kolberek bi navê “Rizgar Xilkanî” xelkê Serdeştê li sînorê “Hengejale” ya bajarê Bane ji aliyê hêzên leşkerî yên hikûmetê ve hat birîndarkirin.
Roja Duşemî 15’ê Gelawêja 1403’an a Rojî, jineke ciwan a xelkê Îlamê bi navê “Meryem Rostemî” temen 21 salî, keça Kyûmers, ji aliyê hêzên ewlehiyê ve hat binçavkirin û bo cihekî nediyar veguhastin.
Heşt roj bi ser binçavkirina Manîce Xweşnûd, jina Kurd a xelkê Bokanê re derbas dibe, heta niha ti zanyariyên rast li derheq çarenivîsa wê de nînin.
Ajansa Nûçegihandinê ya Kurdpa
