Roja Çarşemî 25’ê Rezbera 1403’an a Rojî, Hemîd Çapatî, çalakvanê medenî ê Kurd ê Urmiyê, piştî ku di lêpirsîna Serdozgeriya Giştî û Şoreş a Urmiyê de hat tohmetbarkirin, bi danîna barimteya demkî heta dawiya dozê hat berdan.
Zehra Sacidîniya welatiya bajarê Bokanê ji aliyê taya 101 a dadgeha tawanan a vî bajarî bi 10 meh heps hat cezakirin.
Sibeha roja Sêşemî 24’ê Rezbera 1403’an a Rojî, girtiyê Kurd bi navê “Nasir Mihemedî Hingirwanî” kurê Xelîl xelkê gundê “Nêçelan” a ser bi navçeya Soma û Bradost a Urmiyê, li girtîgeha Navendî ya bajarê Urmiyê hat îdamkirin.
Tevî ku zêdetir ji mehekê bi ser binçavkirina sînemakar û derhênerê Baneyê Riza Elayî re derbas bûye, lê heta niha ti zanyariyek li derheq rewşa wî û çarenivîsa wî de nîne.
Roja Pêncşemî 19’ê Rezbera sala 1403’an Rojî, Siyamend Hesenpûr kolberê birîndar ê xelkê Serdeştê, bi sedema kûrahiya birînên xwe li nexweşxaneya bajarê Urmiyê canê xwe ji dest da.
Sibeha roja Pêncşemî 19’ê Rezbera 1403’an a Rojî, du girtiyên bi navên “Burhan Ensarî” kurê Ehmed xelkê gundê “Qere Axac” a Urmiyê û “Esed Ferheng” kurê Ebdula xelkê Seqizê li girtîgeha navendî ya bajarê Urmiyê hat îdamkirin.
Îdrîs Karsaz temen 55 salî û xelkê bajarê Şinoyê, ji aliyê dadgeha Şoreş a vî bajarî ve, bi sê sal heps hat cezakirin.
Roja Sêşemî 17’ê Rezbera 1403’an a Rojî, welatiyekî Kurd bi navê “Akam Mîhenixa” kurê Zurar xelkê gundê “Mîrava” ya ser bi bajarê Şinoyê, ji aliyê hêzên ewlehiyê ve hat binçavkirin û bo cihekî nediyar veguhastin.
Li gor rapora Rêxistina Mafên Mirovan a Îranê, sibeha roja Şemiyê 14ê Rezbera 1403an a Rojî, girtiyê Kurd ê bi navê “Eşkan Yarî” xelkê Kirmaşanê li girtîgeha navendî ya Hemedanê de hat îdamkirin.
Roja Duşemî 16’ê Rezbera 1403’an a Rojî, kolberek bi navê “Hisên Kemaliyan” xelkê Pîranşarê bi sebeba teqe û lêdana hêzên leşkerî yên hikûmetê canê xwe ji dest da û kolberek din jî bi sebeta teqekirina van hêzan bi giranî birîndar bû.
Ajansa Nûçegihandinê ya Kurdpa
