Roja Yekşemî 5ê Pûşperê, “Hisam Xakpûr” û “Ehmed Qadirî” endamên Encûmena Sinfî ya Mamosteyên Kurdistan- Seqiz û Zêwiye, bi danîna barimteyê ji girtîgehê hatin azadkirin.
Roja Şemî 4ê Pûşperê, “Selah Mirzayî, Mihemedriza Muradî, Aram Îbrahimî” çalakvanên sinfî yên mamosteyên Sineyê bi danîna barimteyê hatine azadkirin.
Biryara binçavkirina “Umîd Şamihemedî, Hîwa Qureyşî, Perwîz Ehsenî û Kawe Mihemedzade” Endamên Encûmena Sinfî ya Mamosteyên Kurdistan- Dîwandere, hat demdirêjkirin.
Roja Şemî 4ê Pûşperê, “Amanc Emînî, Zahid Muradî, Îsmaîl Reyhanî û Silêman Ebdî” Endamên Encûmena Sifî ya Mamosteyên Kurdistan- Seqizê bi danîna barimteyê ji girtîgeha bajarê “Seqiz”ê hatin azadkirin.
Roja Pêncşemî 2ê Pûşperê, kolberek Kurd yê bi navê “Keywan Emanî” xelkê gundê “Hacî Memedanî” yê girêdayî bajarê “Seqiz”ê li sînorê “Sertezên” ê bajarê “Banê” hate birîndarkirin.
Roja Pêncşemî 2ê Pûşperê, “Xeyas Ni`metî, Bêhzad Qewamî û Riza Tehmasibî” endamên Encumena pêşeyî ya mamosteyên Kurdistan - Sine û Kelaterzanê, bi danîna barimteyê ji girtîgehê hatin serbestkirin.
“So`ida Xedîrzade” girtiya siyasî ya Kurd, xelka bajarê “Pîranşar”ê ku roja Duşemî 30ê Cozerdanê di yek ji nexweşxaneyên bajarê “Urmiyê” zarokbibû, rojek piştî neştergeriya “Sizaryen”ê roja Sêşemî 31ê Cozerdanê, bo girtîgeha bajarê “Urmiyê”…
Roja Pêncşemî 2ê Pûşperê, Celal Qadirîzade, girtiyê siyasî yê Kurd, xelkê bajarê “Şino” li girtîgeha wî bajarî îzna murexesiyê jêre hate dan.
Roja Sêşemî 31`ê Cozerdanê Kolberekî din yê Kurd yê bi navê “Suheyb Qîtolî” xelkê bajarê “Ciwanro”yê bi sedema lêxistina hêzên leşkerî li ser sînorê “Newsûd”ê birîndar bû.
Roja Çarşemî 1`ê Pûşperê Kolberekî Kurd yê bi navê “Mihemed Şemsînijad” xelkê gundê “Cûlande” yê girêdayî bajarê “Sewlava”yê bi sedema teqeya hêzên leşkerî li ser sînorê “Newsûd”ê birîndar bû.
Ajansa Nûçegihandinê ya Kurdpa
