Roja Pêncşemî 9ê Pûşperê, du welatiyên Kurd ên bi navên “Seyîd Salar Seyîd Rehîmî” kurê “Seyîd Ebdulla” û “Hesen Mamilê Azer” xelkê gundê “Gamêş Golî” ê ser bi bajarê Miyanduavê, ji aliyê hêzên ewlehî ve hatin binçavkirin.
Roja Şemî 11`ê Pûşperê, Kolberekî Kurd yê bi navê “Kemal Îbrahîmzade” xelkê gundê “Dêwlan” yê girêdayî bajarê “Serdeşt”ê bi sedema teqeya hêzên leşkerî yên hikûmeta Îranê li ser sînorê “Bane” hat birîndarkirin.
Di heyama çend rojên derbasbûyî de, girtiyekî siyasî yê Kurd ê bi navê “Mihemed Muradî” xelkê gundê “Qebrî Husên” ê girêdayî bajarê Pîranşehrê, bo bajarê Qeydar ê ser bi parêzgeha Zencanê hat dûrxistin.
Roja Şemî 11`ê Pûşperê, girtiyê siyasî yê Kurd ê bi navê seyîd “Mihemed Husêynî”, bo bajarê Herîs ê ser bi parêzgeha Tewrêzê hat dûrxistin.
Cezayê 5 sal girtîgeha “Mihemedxalid Hemzepûr”, welatiyê xelkê gundê “Xanler” ê girêdayî bajarê Şinoyê di dadgeha pêdaçûnê de bo cara duyê hat pejirandin.
Roja Sêşemî 7`ê Pûşperê, welatiyekî Kurd ê bi navê “Silêman Salik” temen 69 sal û xelkê bajarê Mihabadê ji aliyê hêzên ewlehî ve hatiye binçavkirin û bo cihek nexuya hatiye veguhastin.
Saziya Mafê Mirovî ya Îranê di raporekê de ragihandiye ku di heyama 6 mehên destpêka sala zayînî de, 251 kes ji wan 6 jin û 67 welatiyên Belûç in li girtîgehên cuda yên Îranê hatine îdamkirin.
Welatiyek Kurd ê bi navê “Muhsin Ezîzî” yê xelkê bajarê “Şino” yê, piştî binçavkirinê bo lêpirsînê bo girtîgeheke ewlehî li bajarê Urmiyê hat veguhastin
Roja Sêşemî 27`ê Hezîranê, kolberê Kurd yê bi navê “Efşîn Yûsfî” kurê Yûsif û xelkê bajarê Ciwanroyê, bi sedema teqeya rasterast ya hêzên leşkerî yên hikûmeta Îranê li ser sînorê Newsûdê hat birîndarkirin.
Roja Sêşemî 7ê Pûşperê, du Kolberên Kurd yên bi navên “Omer Ebdî” û “Osman Ehmedî” xelkê bajarê “Selasa Bawecanî” bi sedema teqeya rasterast a hêzên leşkerî yên hikûmetê li sînorê “Newsûd”ê hatin birîndarkirin.
Ajansa Nûçegihandinê ya Kurdpa
