Pêka rapora Rêkxirava Mafê Mirovî a Îranê, roja Çarşemî, 5ê Gelawêjê, cezaya bidarvekirina jinekê a bi navê “Suheyla Abîdî” xelka bajarê “Bîcar”ê li girtîgeha navendî a bajarê “Sinê” hat cîbicîkirin.
Roja Sêşemî 4`ê Gelawêjê, girtiyek siyasî yê Kurd ê bi navê “Xalid Fireydûnî” xelkê bajarê Mihabadê, piştî 22 sal girtîgeh ji girtîgeha navendî ya bajarê Urmiyê hat azadkirin.
Roja Sêşemî 4`ê Gelawêjê, kolberek bi navê “Celîl Kerîmî” xelkê gundê “Şirkan” a girêdayî bajarê Pawê, bi teqeya hêzên leşkerî li ser sînorê Newsûdê, hat birîndarkirin.
Tevî derbasbûna nêzî 2 meh ji dema binçavkirina welatiyekî Kurd ê bi navê “Daryûş Mêhdîzade” kurê Nesrullah xelkê gundê “Balingan” û rûniştiyê bajarê Kamêranê, ji qedera wî welatiyê ti zanyariyek ber dest nîne.
Roja Sêşemî 4`ê Gelawêjê, welatiyekî Kurd ê bi navê “Luqman Giramî” kurê Îbrahîm û xelkê gundê “Serdoş” a girêdayî bajarê Merîwanê ji aliyê hêzên ewlehî ve hat binçavkirin.
Sipêdeha roja Çarşemî 5ê Gelawêjê, welatiyeke jin a bi navê “Feranek Beheştî” bi tohmeta kuştina bizanebûn, li girtîgeha Navendî a bajarê Urmiyê hat bidarvekirin.
Sipêdeha roja Sêşemî 4ê Gelawêjê, welatiya jin ya bi navê “Feranek Biheştî” xelkê bajarê “Tîkab”ê bo cîbîcîkirina cezayê girtîgehê, bo odeya takekesî ya girtîgeha bajarê “Urmiyê” hat veguhastin.
Çalakvanê kedkarî “Rêbiwar Ebdullahî” xelkê bajarê Sineyê, ji aliyê taya 1 a dadgeha Şoreş a wî bajarî ve, bi serokatiya dadwer “Se`îdî” bi du sal hepsa ragirtî hat cezakirin.
Roja Şemî 1ê Gelawêjê, welatiyekî Kurd yê bi navê “Bextiyar Mistefapûr” kurê “Ce`ifer” xelkê gundê “Sêgirkan” yê girêdayî bajarê “Pîranşar”ê di yek ji girtîgehên ewlehî yên wî bajarî de bo girtîgeha bajarê “Nexed”ê hat veguhastin.
Welatiyekî Kurd yê bi navê “Luqman Qadirî” kurê Ezîz xelkê gundê “Peswê” û rûniştiyê bajarê “Pîranşar”ê hîn jî binçavkiriye û qedera wî li girtîgeha navendî ya bajarê “Urmiyê” nexuya ye.
Ajansa Nûçegihandinê ya Kurdpa
