Du welatiyên xelkê bajarê Şinoyê bi girtîgehê hatine cezadan
Du welatiyên Kurd ên bi navên “Heyder Elîzade” xelkê gundê “Qezenavê” û “Şêrzad Mamendî” xelkê gundê “Nerzîwê” yê girêdayê bajarê Şinoyê, ji aliyê taya 101 a dadgeha keyferî ya wî bajarî, bi gelemper bi 6 sal girtîgehê hatine cezadan.
Li gor wê cezayê ku bi ser wan hatiye sepandin, “Heyder Elîzade” bi 4 sal girtîgeha te`izîrî û “Şêrzad Mamendî” bi 2 sal girtîgeha te`izîrî hatine cezadan û ew cezaye jî li roja Sêşemî 16`ê Xakelêweyê bi awayek fermî bi wan re hate ragihandin.
Kombûna dadgehîkirina wan du welatiyan li sala derbasbûyî, li taya 101 a dadgeha keyferî ya bajarê Şinoyê bi serokayetiya dadwer “Ebutalib Celîlpûr” hatibû lidarxistin û dadgehê ew du welatiyên Kurd bi tohmeta “hevkarîkirin digel yek ji Partiyên Kurdî”, tawanbar kiribûn.
Roja Yekşemî 7`ê Xermanana sala 1400`an, ew du welatiyên Kurd ji aliyê hêzên ewlehî ve hatibûne binçavkirin.
Hêzên ewlehî bi bê hebûna belgeyên yasayî êrîşkiribûne ser mala wan du welatiyan û ew binçavkiribûn.
Hêzên ewlehî piştî vekolîna mala wan du welatiyan, hinek ji keresteyên wan ên kesîn ên wekî mobaylên wan, zevtkiribûn û digel xwe biribûn.
Ew du welatiyane piştî binçavkirinê bo lêpirsînê bo girtîgeha îdareya Îtila`ata bajarê Urmiyê hatibûne veguhastin û li meha Rezbera sala 1400`an bi danîna barimteyê heta dema dadgehîkirinê hatibûne azadkirin.
