Cezaya du welatiyên xelkê bajarê Pîranşehrê di dadgeha pêdaçûnê de hate kêmkirin
Di heyama çend rojên derbasbûyî de, cezaya hepsa du welatiyên Kurd yên bi navên “Keyvan Nijadresûl” kurê “Mihemed” xelkê gundê “Şînava” û “Bapîr Berze” kurê “Osman” xelkê gundê “Çiyane” a ser bi bajarê Pîranşehrê di taya yek a dadgeha pêdaçûn a bajarê Urmiyê de hepsa her yek ji wan ji 4 sal bo 2 sal û 6 meh heps hate kêmkirin.
Kêmkirina hepsa te`izîrî a wan du welatiyên Kurd bi cîbicîkirina pejirandinkirî ya meclisa şwraya îslamî li derheq kêmkirina cezaya hepsa te`izîrî bûye û dosiya wan di taya yek a dadgeha pêdaçûn a bajarê Urmiyê de bo carekî din tê gengeşekirin.
Pûşpera sala 1398`an, cezaya 8 meh hepsa “Bapîr Berze” tevî şikayeta Wezareta Îtilaatê di taya yek a dadgeha pêdaçûn a bajarê Urmiyê de bi 4 sal heps hatibû zêdekirin.
Herwisa cezaya “Keyvan Nijadresûl” ji 5 sal heps bi 4 sal heps hatibû kêmkirin.
Rêbendana sala 1398`an, “Bapîr Berze” ji aliyê taya 102 a dadgeha “Keyferî” ya 2 ya bajarê Pîranşehrê bi tohmeta “alîkarîkirin digel yek ji Partiyên Kurd yên dijberî hikûmeta Îranê” bi 8 meh heps hatibû cezadan û piştî birîna wê cezayê, bi danîna barimteya 220 milyon tumenî bi awayekî demkî hatibû azadkirin.
Navbirî meha Sermawez a sala 1398`an, ji aliyê hêzên ewlehî ve hatibû binçavkirin û bo lêpêçînê bo girtîgeha Îtila`at a bajarê Urmiyê hatibû veguhastin.
“Keyvan Nijadresûl” roja Duşemî 19`ê Sermawez a sala 1397`an bi tohmeta “endambûn û alîkarîkirin digel yek ji Partiyên Kurd yên dijberî hikûmeta Îranê” ji aliyê Îtila`ata Spahê ve hate binçavkirin û her di Rêbendana wî salî de ji aliyê taya 102 a dadgeha “Keyferî” ya 2 ya bajarê Pîranşehrê her bi wî tohmetê bi 5 sal heps hate cezadan.
