9 çalakvanên sinfî yên mamosteyan bi danîna barimteyê ji girtîgeha bajarê Seqizê hatin azadkirin

Roja Şemî 28ê Cozerdanê, “Tahir Qadirzade, Mihemed Fetahî, Enver Fereczade, Selah Husênî, Husên Mihemedî, Keywan Mihemedî, Xalid Şêxî, Luqman Ellamuradî û Qadir Yesrabî” endamên Encûmena Sinfî ya Mamosteyên Kurdistan- Seqiz û Zîwiye, bi danîna barimteyê ji girtîgeha bajarê “Seqiz”ê hatine azadkirin.

Ew 9 çalakvanên sinfî bi danîna berimteyê heta dema dadgehîkirinê bi awayekî demkî ji girtîgeha bajarê “Seqiz”ê hatine azadkirin.

Herwisa roja Pêncşemî 26ê Cozerdanê, “Awat Rezewî” çalakvanê sinfî û endamê Encûmena Sinf ya Mamosteyên Kurdistan-Seqiz û Zêwiye, bi wergirtina soznameyê li yek ji girtîgehên ewlehî yên bajarê “Seqiz”ê hat azadkirin.

Ew 10 çalakvanên sinfî yên mamosteyan di rojên Çarşemî û Pêncşemî 24 û 25ê Cozerdanê ji aliyê hêzên ewlehî ve hatibûne binçavkirin.