Li girtîgeha Urmiyê du girtî hatin îdamkirin

Sibeha roja Pêncşemî 19’ê Rezbera 1403’an a Rojî, du girtiyên bi navên “Burhan Ensarî” kurê Ehmed xelkê gundê “Qere Axac” a Urmiyê û “Esed Ferheng” kurê Ebdula xelkê Seqizê li girtîgeha navendî ya bajarê Urmiyê hat îdamkirin. 
 
Li gor çavkaniyek ku ji Kurdpayê re ragihandiye, Burhan Ensarî 3 salan beriya niha bi tohmeta “kuştina bi zanebûn” hatibû binçavkirin û piştre ji aliyê dezgehên dadwerî ve cezayê îdamkirinê lê hatibû birîn. 
 
Vê çavkaniya haydar her wiha got: Cezayê îdamê  yê Esed Ferheng bêyî hevdîtina dawî ya bi malbatê wî re birê ve çûye. 
 
Vê çavkaniya haydar diyar kir: Esed Ferheng jî 9 salan beriya niha bi tohmeta “kuştina bi zanebûn” hatibû binçavkirin û piştre ji aliyê dezgehên dadwerî ve cezayê îdamê lê hatibû birîn.  
 
Heta niha nûçeya îdamkirina van her du girtiyan ji aliyê dezgehên fermî û medyayên hundirê Îranê ve nehatiye ragihandin.