Şahîndij; Binçavkirina 3 welatiyên din ji aliyê hêzên ewlehiyê ve
![](/content/upload/1/news-kurdpa/6431.jpg)
Sibeha roja Pêncşemî 20’ê Banemera 1403’an a Rojî, 3 welatiyên Kurd bi navên “Salar Bêygî”, “Elî Şîrî” û “Nasir Muradî” xelkê gundê “Qozloyî Efşar” a ser bi Şahîndijê ji aliyê hêzên ewlehiyê ve hatin binçavkirin û bo cihekî nediyar hatin veguhastin.
Li gorî çavkaniyeke agehdar, hêzên ewlehiyê bêyî ku belgeya dadgehê nîşan bidin û ev her 3ê welatî di nav malên wan de binçav kirine.
Heya dema belavbûna vê nûçeyê, li derheq sebeba binçavkirin û tohmetên li ser van her 3ê welatiyan de ti zanyariyek tine.
Her di vê derheqê de, sibeha roja Pêncşemî 20’ê Banemera 1403’an a Rojî, 4 welatiyên bi navên “Osman Ebasî”, “Rehman Xosrewî”, “Hêmn Elîzade” û “Şehram Sultanî” xelkê gundê “Hacî Ava” ya ser bi Şahîndijê ji aliyê hêzên ewlehiyê ve hatin binçavkirin û bo cihekî nediyar veguhastin.
Wêne ji rastê ber bi çepê: Elî Şîrî û Salar Begî