Sine; Binçavkirina welatiyekî Kurd ji aliyê hêzên ewlehiyê ve
Sibeha roja Duşemî 4ê Befranbarê, welatiyekî Kurd bi navê “Mihemed Ceifer Mihemedî” temen 55 salî, kurê Tûfîq xelkê Sine, ji aliyê hêzên ewlehiyê ve hat binçavkirin û bo cihekî nediyar veguhastin.
Li gor çavkaniyeke agehdar, hêzên ewlekarî bêyî nîşandana belgeya dadgehê, avêtine ser mala şexisî ya vî welatî li taxa “Hacî ava” ya bajarê Sine û bi tundûtûjiyê ew binçav kirine.
Li gor belgeya ku ketiye destê Kurdpa yê, Mihemedceifer Mihemedî piştî sikalya li dijî hêzên polîs ên bajarê Sine, bi tohmeta destdirêjî û binçavkirina neqanûnî li dadgeha leşkerî ya parêzgeha Sine hate binçavkirin.
Roja Sêşemî 16ê Reşemî 1401an, Murteza Mihemedî û Sîrvan Mihemedî zarokên Mihemedce`ifer û ji girtiyên serhildana şoreşgerî “Jin, Jiyan û Azadî” piştî danîna barimteyê ji girtîgeha Sine hatin azadkirin.
