Seqiz; Çalakvana medenî Hêro Qedîmî ji aliyê hêzên ewlehiyê ve hat binçavkirin

Roja Sêşemî 21ê Xermananê, çalakvana medenî ya naskirî ya bajarê Seqizê Hêro Qedîmî ji aliyê hêzên ewlehiyê ve hat binçavkirin.

Li gorî çavkaniyeke agehdar, 8 kes ji hêzên ewlehiyê bêyî nîşandana belgeya dadgehê, avêtine ser mala wê çalakvana medenî û ew binçav kirin.

Ev çalakvana medenî di warê zarok, jinan û alîkariya nexweşên taybet de çalak e.

Heya dema belavbûna vê nûçeyê li derheq sedema binçavkirin û sûcdariya li ser wê çalakvana jin de tu agahî nehatin bidestxistin.