Bîcar; Binçavkirina dubare ya Zîba Qilîçxanî yek ji girtiyên serhildana şoreşa Jin, Jiyan û Azadî bi sedema nivîsînek û giliya efserê ewlehiyê ji ber tifkirina dema derbasbûna kolanê

Roja Pêncşemî 26’ê Gelawêjê, Zîba Qilîçxanî yek ji girtiyên serhildana şoreşa ya Jin, Jiyan, Azadî li Bîcarê, piştî eşkerekirina tohmetan li dadgeha vî bajarî, careke din hate girtin û bo navenda çaksaziya Sinê hat veguhastin.

Li gor çavkaniyek agahdar Kurdpayê; Dadgehê ev welatiya Kurd bi “propagandakirina dijî hikûmetê, nivîsandina şiroveyeke rexneyî” û “giliya karmendekî ewlehiyê ji ber tifkirina Qilîçxanî dema derbasbûna li kolanê” tohmetbar kiriye.

Vê çavkaniya agehdar got jî; Qilîçxanî bi giliya Wezareta Îtlaatê bo dadgeha Bîcarê hatiy vexwendin.

Zîba Qilîçxanî di 27’ê Xermanana sala 1401’an de ji ber beşdarbûna di xwenîşandanên Jin, Jiyan, Azadî de hatibû girtin û piştî du hefteyan, bi danîna barimteya Du milyar Tûmenî, bi awayekî demkî ji navenda çaksaziyê ya Sinê hatibû berdan.

Ev welatiya han zewicî ye û du zarokên wê yên biçûk hene û hevjînê wê jî ji ber nexweşiyê azaran dibîne.