Mihemed Qadirpûr ji bo cîbicîkirina biryara girtîgehê bo girtîgeha Neqedê hat veguhestin
Roja Yekşemî berwara 28’ê Reşemeya 1401’an, “Mihemed Kadirpûr” welatiyê Kurd yê xelkê bajarê Pîranşarê, piştî gazîkirina bo taya cîbicîkirina biryara vî bajarî, hat binçavkirin û ji bo cîbicîkirina cezayê xwe bo girtîgeha Neqedê hat veguhestin.
Ev welatiyê Kurd sala borî bi tohmeta “hevkarîkirin bi yek ji partiyên Kurd ên opozisyona hikûmeta Îranê re” ji aliyê taya 101 a dadgeha tawanên Pîranşarê ve bi du sal û heft meh û 15 roj girtîgehê hatibû mehkûmkirin.
Roja Yekşemî 24’ê Rêbendan a 1400’an, “Mihemed Qadirpûr” kurê Elî, bi bê nîşandana belgeya yasayî, ji aliyê hêzên ewlehiyê ve hatibû binçavkirin û ji bo lêpirsînê bo girtîgeha ewlehiyê ya Urmiyê veguhestbûn.
Ev welatiyê han piştî heyama lêpirsînê bo girtîgeha Neqedê hate veguhestin û roja Şemî 21’ê Reşemeya 1400’an, bi danîna barimteyê bi awayê demkî heta bidawîhatina pêvajoya dadgehê, ji girtîgeha Neqedê hat azadkirin.
