Şoreşa “Jinê, Jiyan, Azadî”; Girtin û gazîkirina 26 mamoste û xwandekarên olî yên sunî meseb li Kurdistanê

Bi destpêkirina şoreşa “Jin, Jiyan, Azadî”, piştî kuştina Jîna(Mehsa) Emînî, li Kurdistan û Îranê, mamostayên olî yên Kurdên sunî meseb yên li bajarên cuda yên Kurdistanê di nav komên ku li ser goran axaftin kirin. ji miriyan û nimêja Înê xwandin û herwisa bi belavkirina daxuyaniyên koman li mizgeftan piştgirî dan xwenîşandanên mafên gel û nerazîbûna xwe li hember serkut û tundiya bêsînûr a hikûmetê nîşan dan.

Her ev kiryarên girûpên mamosteyên Pîranşar û Şinoyê heta Sine, Dêwolan û Ciwanroyê bû sedema girtin, gazîkirin, dosye û derxistina fermanên hikûmetî û givaşên dezgehên ewlehiyê.

Li gor amarên tomar kirî li navenda Ajnansa Nûçegihaniya Mafê Mirovan a “Kurdpa”yê, ji destpêka xwenîşandanan ve heta niha bi giştî 16 mamosteyên mesebê sunî û du xwandekarên xwandingehên zanista olî li Kurdistanê hatine binçavkirin. Herwiha 5 mamosteyên sunî meseb bo dadgehê û 3`ê din jî bo dezgeha îtla`atê hatine gazîkirin.

Veqetandina amaran li gor parêzgehan û bajaran;

Parêzgeha Urmiyê 15 (Pîranşar 9, Bukan 2, Mihabad 2, Şino 1, Serdeşt 1)

Parêzgeha Kurdistanê 9 (Sine 5, Bane 1, Seqiz 1, Dêwolan 2)

Parêzgeha Kirmaşanê 2 (Ciwanro 2)

Zanyariyên zêdetir:

Herî zêde bi 12 hebên girtin û gazîkirin di meha Rêbendanê de pêk hatiye. Di mehên Befranbar, Sermawez, Xezelwer, û Rezberê de jî, bi hejmara 5, 4, 3 û 2 girtin û gazîkirinê dewam dikin.

Ji van kesan 10 melayên gundan û yên mayî jî melayên mizgeftên bajarên Kurdistanê bûn.

Di du dozan de kurê mamoste Mihemed Xizirnejad li Bokanê û hevjîna mamoste Zana Xoşamen li Pîranşarê jî bi wan re hatin girtin.

Di dema girtina mamoste de destê hevjîna mamoste Seyfullah Husênî, melayê mizgefta Xatem El-Enbyaya li Cewanroyê hat şikandin.

Koma girtiyên ku bi bê nîşandana belgeya yasayî hatin girtin û hem jî piştî binçavkirinê destûr nehatiye dayîn ku bi parêzer û malbatên xwe re hevdîtin bikin.

Di vê navberê de dadgeha mamoste Seyfullah Husênî hat lidarxistin û bi tohmeta propagande li dijî nizamê, tûjkirina xelkê, alozî di pirenspên giştî de û endambûn di mekteba Qora`anê de, bi 17 sal zîndan, 74 derbên qamçî, 2 sal dûrxistin bo Erdebîl û rakirina kincên melayan hat cezakirin.

Daxuyaniyên mamosteyên suneî meseb yên Kurdistanê;

Tevî gelek axaftinên li ser gorên can jidest dayan ji bo şermezarkirina kuştina mirovan û piştgiriya xwenîşandanan, mamosteyên Kurd dest bi weşandina vîdyoyan ji dawiya Xezelwera sala 1401`an ve kirin ku tê de alim û mamosteyên olî yên Kurd ên sunî meseb bi giştî li hundirê mizgeftan kom dibûn û di dema piştevaniya xwenîşanderan de, serkutkirinên bi xwîn protesto kirin û îşarekirin bi neşiyana hikûmetê û bêserûberiyê, û daxwazî û azadkirina xelkê daxwaz kirin.

Heta niha bi giştî 10 daxuyaniyên mamosteyên bajarên Merîwan, Hewraman, Pîranşar, Şino, Nexede, Sine, Dêwolan, Bane, Dîwandere, Zerîne, Urmiye, Qorwe, Serdeşt û Ciwanroyê bi awayê vîdyo û bikom hatine weşandin û carna jî daxuyaniyên hevbeş ên çend bajaran bi vî awayî hatine weşandin.

28`ê Xezelwera 1401`an; Daxuyaniya komî ya melayên Merîwan û Hewramanê bi şermezarkirina kuştina xwenîşanderan li Kurdistan û navçeyên din ên Îranê û piştgirîkirina daxwazkarî û xwenîşandanên gel.

29`ê Xezelwera 1401`an; Daxuyaniya hevbeş a alim û melayên bajarên Pîranşar, Şino, Nexede û derdorê ji bo piştevanîkirina ji xwenîşandanên giştî û nerazîbûna li dijî serkutkirinên xwînavî.

30`ê Xezelwera 1401`an; Daxuyaniya komek ji mamoste û oldaran û pêşnimêjên Înê yên li Sine, Dêwolan û derdora wê ji bo piştgirîkirina xwenîşandanên li seranserî welat.

30`ê Xezelwera 1401`an; Daxuyaniyek komek ji alim û melayên Baneyê ji bo piştgirîkirina xwenîşandanên li seranserî welat.

1`ê Sermaweza 1401`an; Daxuyaniya hevbeş a mela û pêşminêjên mizgeftên Dîwandere û Zerîne ji bo piştgirîkirina daxwazkariyên gel.

2`ê Sermaweza 1401`an; Daxuyaniya piştevaniya komek ji alim û melayên Urmiye û derdora wê ji bo piştgirîkirina xwenîşandanên seranserî.

5`ê Sermaweza 1401`an; Daxuyaniya alim û melayên bajarên Dêwolan, Qorwa û yên derdorê û xwendina wê li mizgeftê ji bo piştgirîkirina xwenîşandanên gel û tundûtûjiya bêsînor a hikûmetê.

6`ê Sermaweza 1401`an; Daxuyaniya komek alim û oldarên Serdeştê û derdora wê û xwendina wê li mizgeftê ji bo piştgirîkirina xwenîşandanên gel û nerazîbûna li hember tundûtûjiya bêsînor a hikûmetê.

14`ê Befranbara 1401`an; Daxuyaniya komek alim, mamoste û çalakvanên sivîl, ferhengî, mamosteyên zanîngehê, pîzişk, perestar, parêzer, xwandekar, bazarî û qatên din ên ciwanên Ciwanroyê û xwendina wê li mizgeftê ji bo piştgirîkirina xwenîşandanên gel û bidawîkirina serkutan.

3`ê Rêbendana 1401`an; Daxuyaniya hejmara du ya mamosteyên olî yên Pîranşarê derbarê nebûna rewatiya olî û bexî binavkirina neraziyan û daxwaza şikandina bêdengî ya birêveberên olî yên mesebê şî`eyan û herwisa azadiya binçavkiriyan.  

Berhevkar: Evîn Mistefazade