Roja Pêncşemî 23ê meha Xermananê, du welatiyên kurd yên xelkê bajarê Mehabadê yên bi navên Eşkan Fehîm û Riza Endîşe ji aliyê hêzên ewlehiyê ve hatin binçavkirin û bo cihekî nediyar veguhastin.
Roja Pêncşemî 23ê Xermananê, Mîlad Mistefewî mamostayê siwarbûna hespan li Bokanê ji aliyê hêzên ewlehiyê ve hat bnçavkirin û bo cihekî nediyar hat veguhastin.
Roja Pêncşemî 23ê meha Xermanana, Omîd Niyazî birayê Muhsen Niyazî, yek ji qurbaniyên serhildana şoreşgerî ya Jin, Jiyan, Azadî li Dêwolan, ji aliyê hêzên ewlehiyê ve hat binçavkirin û bo cihekî nediyar veguhastin.
Roja Pêncşemî 23ê Xermananê birayê Sarîna Saedî yê 15 salî, Moîd Saedî, yek ji qurbaniyên serhildana şoreşgerî ya Jin, Jiyan, Azadî, li Sinê ligel xaltiya xwe Rêzan Saedî, ya 17 salî, ji aliyê hêzên ewlehiyê ve hatin binçavkirin.
Fexriye Omîdî û Betûl Omîdî her du welatiyên Îlamê piştî binçavkirinê bo girtîgeha vî bajarî hatin veguhastin.
Roja Çarşemî 22ê Xermananê welatiya bi navê Semîra Ehmedî ya xelkê bajarê Seqizê, ji aliyê hêzên ewlehiyê ve hat binçavkirin û bo cihekî nediyar hat veguhastin.
Di roja 22’ê Xermanana sala 1401’ de, Jîna Emînî ji aliyê hêzên serkutker ên Geşta Îrşad ve hat binçavkirin û piştî ku ji bo girtîgeha Wuzera hat veguhastin, di nav komayê de bo nexweşxaneya Kesra hat veguhastin.
Desteya Binpêkirinan a Wezareta Perwerdeyê biryara malinişînkirina bi zorê ya bi paşxistina du komên mamosteya fîzîkê ya paşnavendî ya Seqizê Şîlan Yûsifî piştrast kir.
Roja Sêşemî 21ê Xermananê, çalakvana medenî ya naskirî ya bajarê Seqizê Hêro Qedîmî ji aliyê hêzên ewlehiyê ve hat binçavkirin.
Roja Çarşemî 15ê Xermanana 1402an, hunermendê temen 36 salî yê xelkê bajarê Dêhloranê yê bi navê “Weten Dûstî” ji aliyê hêzên ewlehî ve hate girtin û bo ciheke nexuya hate veguhastin.
Ajansa Nûçegihandinê ya Kurdpa
